दुसर्‍सा टप्प्यात सावित्रीच्या लेकींना केले पंधरा सायकलींचे वाटप
पायपीट करीत जाणार्‍या 81 विद्यार्थ्यांना आहे मदतीची गरज
पुस्तक बँकप्रमाणे सायकल बँक योजना राबविणार
टाकवे बुद्रुक – आंदळ मावळातील मिंडेवाडी, ठाकरवस्ती, चावसरवस्ती, जाधववाडीतून अनेक विद्यार्थी पायपीट करीत शाळेसाठी जात असतात. अशा 81 गरजू विद्यार्थ्यांना मदतीची गरज आहे. हे सगळे विद्यार्थी ज्ञानार्जन करण्यासाठी मोठी कसरत करीत आहेत. या भागातील विद्यार्थ्यांना मदत करण्यासाठी अनेक समाजसेवी संघटनांच्या माध्यमातून उपक्रम राबविले जात आहेत. दुसर्‍या टप्प्यात 15 विद्यार्थिनींना सायकलींचे वाटप करण्यात आले आहे. पुस्तक पेढीच्या धर्तीवर शाळेत सायकल पेढी किंवा सायकल बँक राबवली जाणार आहे. डी. वाय. पाटील कॅम्सचे माजी विद्यार्थी कुणाल धोत्रे, गोरख खळदे, स्वप्निल मावळकर, मंदार करांडे, अजिंक्य स्वामी, व पिंपरीतील शीतल खांडेकर यांनी या सायकली स्पॉन्सर केल्या आहेत. माजी पंचायत समिती सदस्य बाजीराव शेटे यांच्या अध्यक्षेतेखाली सायकल वितरण सोहळा पार पडला. याप्रसंगी सरपंच दत्तात्रेय पडवळ, सोपान नरवडे, संदीप शेटे, रामदास शेटे, बळीराम मराठे, अनिल बाबर, प्रतिक गिरमे, रोहीत गिरमे आदी उपस्थित होते.
गरजू विद्यार्थ्यांना करणार मदत
मुख्याध्यापक सावळेराम गावडे म्हणाले की, शाळेमध्ये सायकल बँक सुरू करण्यात येणार आहे. जो विद्यार्थी दहावीची परिक्षा उत्तीर्ण होऊन जाईल, ती सायकल शाळेत पुन्हा जमा करायची. आठवीत येणार्‍या विद्यार्थ्याला ही सायकल दिली जाईल. गरजू विद्यार्थ्यांना पाहून सायकल दिली जाईल. सकाळी पावणे बारा वाजता शाळा भरते, सव्वा पाच वाजता सुटते, मुलांना पायपीट घरी पोहचयला उशीर होतो.
आरोग्य आणि वेळेची बचत… एके काळी सायकलचे शहर अशी पुणे शहर व परिसराची ओळख होती, पण सध्या सायचल चालविण्याचे प्रमाण घटते आहे. सायकल चालविली तर वेळेची बचत होईल शिवाय आरोग्य सुधारले.
वेळेची बचत होणार
या शाळेतील ऋतिका केदारी या विद्यार्थिनीने सांगितले की, सायकल मिळाल्याने वेळेची बचत होणार आहे. पायपीट थांबले चालून चालून थकवा यायचा आता तो थांबेल. अभ्यासाला अधिक वेळ मिळेल. सरपंच दत्तात्रेय पडवळ, रोहीत गिरमे, रामदास शेटे यांची भाषणे झाली. अशोक धनोकर यांनी प्रास्ताविक केले. युवराज सोनकांबळे यांनी सुत्रसंचालन केले. विनय गायकवाड यांनी आभार मानले.