देवीचे दर्शन घेऊन परतणारे १० भाविक अपघातात ठार

छत्तीसगड – ओडिशातील नुआपाडा येथे काल रात्री भीषण अपघात झाला यात ट्रक आणि जीपची टक्कर होऊन 10 जण जागीच ठार झाले आहे. जीपमधील सर्वजण ओडिशातील कोमना देवीचे दर्शन घेऊन घराकडे परतत होते. यावेळेस काळाने त्यांच्यावर घाला घातला. हा अपघात इतका भीषण होता की अपघातग्रस्त गाड्यांचा अक्षरशः चुराडा झाला आहे.

अपघातात मृत्युमुखी पडलेले सर्वजण छत्तीसगडमधील महासमुंद येथील रहिवासी होते. मृतांमध्ये जीप चालकाचाही समावेश आहे. दरम्यान, सर्व मृतदेह पोस्टमार्टेमसाठी पाठवण्यात आले आहेत. यापूर्वी 14 ऑक्टोबर रोजी छत्तीसगडमधील राजनांदगाव जिल्ह्यात एका वाहनाची ट्रकला धडक बसली होती. या अपघातातही 10 जणांचा मृत्यू झाला होता, तर 4 जण जखमी झाले होते. या अपघाताबाबत स्थानिक पोलीस अधिकाऱ्यानं माहिती दिली की, नवरात्री उत्सवादरम्यान बामलेश्वरी मंदिराचे दर्शन घेऊन भाविक घराकडे परत होते. यादरम्यान काळानं त्यांच्यावर घाला घातला.