दोन अल्पवयीन मुलींवर बलात्कार

तिसरी सुदैवाने बचावली; तिघीपण सख्ख्या बहिणी
पुणे । सिक्स सिटरमध्ये झोपलेल्या चिमुकल्या तीन सख्ख्या बहिणींवर अत्याचार करणार्‍या 45 वर्षाच्या नराधमास पोलिसांनी अटक केली. दोन चिमुकलींवर त्याने बलात्कार केला तर तिसर्‍या मुलीवर बलात्काराचा प्रयत्न करताना मुलींनी गोंधळ केल्यामुळे ती या प्रकारापासून वाचली. ही घटना येरवडा येथील नागपूर चाळ परिसरात मंगळवारी 2 नोव्हेंबर रोजी रात्री 11 वाजता घडली. या प्रकरणी येरवडा पोलिसांनी एकाला अटक केली असून भवरलाल सखाजी रांगे (वय 45, रा. संजय पार्क) असे त्याचे नाव आहे. फिर्यादी व त्यांचा पती आणि तीन मुली या पूर्वी लोहगाव येथे राहत होत्या. कामावरून काढून टाकल्यामुळे या कुटुंबाला तेथील घर सोडून द्यावे लागले होते.

मुलनिी गोंधळ घातल्यामुळे प्रकार उघडकीस
हे कुटुंब दिवसभर काम करून नागपूर चाळीमधील एका सिक्स सिटरमध्ये झोपत असत. घटनेच्या दिवशी रात्री फिर्यादी तिच्या आईकडे गेली होती आणि तिचा पती कामानिमित्त बाहेर गेला होता. त्यावेळी फिर्यादीच्या आठ, नऊ आणि चार वर्षाच्या तीन मुली सिक्स सिटरमध्ये झोपल्या होत्या. भवरलाल याने यापैकी दोन मुलींवर बलात्कार केला. तिसर्‍या 9 वर्षाच्या मुलीवर अत्याचाराचा प्रयत्न करताना मुलींनी गोंधळ केल्यामुळे त्याचा हा प्रकार उघडकीस आला. पोलिसांनी त्याला गुरुवारी अटक केली.