दोन कार व एक बाईक जाळल्याप्रकरणी गुन्हा

Burning of vehicles in Jalgaon : Crime against unknown persons जळगाव : जळगाव शहरातील सातपुडा हौसिंग सोसायटी परीसरातील गणपती नगरात दोन चारचाकी वाहनांसह एका दुचाकीला अज्ञातानी मध्यरात्री इंधन टाकून पेटवून दिले होते. आगीत वाहनांचे सुमारे 70 हजारांचे नुकसान झाले असून अज्ञात व्यक्तीविरुद्ध रामानंद नगर पोलिस स्टेशनला गुन्हा दाखल करण्यात आला.

मध्यरात्री जाळली वाहने
जळगाव शहरातील सातपुडा हौसिंग सोसायटी गणपती नगर परीसरात मिलन सलामतरय तलरेजा हे व्यावसायीक राहतात. शुक्रवार, 28 ऑक्टोंबर रोजी पहाटेत तीन वाजेच्या सुमारास सर्वजण साखरझोपेत असतांना त्यांची किया सेलटोस कंपनीची तसेच शेजार्‍यांची किया सेलटोस कंपनीची कार व ओला बाईक अशी तिन वाहने अज्ञात व्यक्तीने जाळून नुकसान केले होते.

अज्ञाताचा पोलिसांकडून शोध
हा प्रकार लक्षात येताच मिलन तलरेजा यांनी घटनास्थळी धाव घेत वाहनांवर पाण्याचा मारा करत आग विझवण्याचा प्रयत्न केला. मात्र दरम्यानच्या काळात वाहनांचे बरेच नुकसान झाले. या घटनेप्रकरणी अज्ञात व्यक्तीविरुद्ध रामानंद नगर पोलिस स्टेशनला गु.र.न.321/22 भा.द.वि.435, 427 नुसार गुन्हा दाखल करण्यात आला आहे. पुढील तपास पोलिस उप निरीक्षक शांताराम पाटील करत आहेत.