दोर तुटल्याने पाडळेच्या मजुराचा विहिरीत पडून मृत्यू
रावेर– तालुक्यातील पाडळे येथील मजुराचा विहिरीत पडल्याने मृत्यू झाला. बुधवारी सकाळी साडेनऊ वाजेच्या सुमारास ही घटना घडली. अहिरवाडी येथील शेतकरी भागवत महाजन यांच्या विहिरीवर बुधवारी आरसीसी रिंग टाकण्याचे काम सुरू असताना नजीर सीताब तडवी (21, पाडळे बु.॥) हा गवंडी काम करणारा मजूर पालकचा पत्रा बांधत असतानाच दोर तुटल्याने खडकाळ भागात पडल्याने मयत झाला. रावेर पोलिसात रवींद्र रायपूरे यांनी खबर दिल्यावरून अकस्मात मृत्यूची नोंद करण्यात आली. रावेर ग्रामीण रुग्णालयात डॉ.बी.बी.बारेला यांनी शवविच्छेदन केले. मयत तडवी यांच्या पश्चात पत्नी व दोन मुली आहेत.