धडकेत दोन तरुण ठार

पिंपरी : रेल्वेची धडक बसल्याने अभियंता आणि व्यापारी अशा दोघांचा वेगवेगळ्या घटनेत मृत्यू झाला. मंगळवारी सकाळी आकुर्डी स्थानकाजवळ एक आणि दुसरी घटना पिंपरी स्थानकाजवळ घडली. दोन्ही अपघात रुळ ओलांडताना झाले आहेत. आकुर्डीत सकाळी सहाच्या सुमारास झालेल्या घटनेत पांडुरंग लक्ष्मण दोडतोडे (वय 34, रा. सायली अपार्टमेंट, वाल्हेकरवाडी, चिंचवड) ठार झाले. ते एका खासगी कंपनीत अभियंता होते. ते आपल्या कार्यालयात कामासाठी जात असताना रूळ ओलांडताना हा अपघात झाला.पिंपरी स्थानकाजवळ हरीश दीपक करमयानी (वय 32, रा. साई चौक, पिंपरी) यांचा मृत्यू झाला. पहाटे साडेतीनच्या सुमारास हा अपघात झाला. झाला. त्यांचा पिंपरीमध्ये व्यवसाय आहे.