नऊ वर्षीय चिमुकलीचा विनयभंग : आरोपीला अटक

जळगाव : शहरातील एका भागात राहणार्‍या नऊ वर्षीय चिमुकलीचा विनयभंग केल्याप्रकरणी तरुणाला अटक करण्यात आली. रामानंद नगर पोलिस ठाण्यात या प्रकरणी गुन्हा दाखल करण्यात आला.

तरुणाविरोधात गुन्हा
जळगाव शहरातील एका भागात नऊ वर्षीय चिमुकली ही आपल्या कुटुंबीयांसह वास्तव्यास असून गुरुवार, 9 जून रोजी दुपारी अडीच वाजेच्या सुमारास चिमुकली घरी एकटी असताना संशयीत शाहरुख खान करीम खान (25) याने विनयभंग केला. हा प्रकार चिमुकलीच्या कुटुंबियांच्या लक्षात आल्याने त्यांनी तातडीने रामानंद नगर पोलिस ठाण्यात धाव घेवून तक्रार दिल्याने आरोपी शाहरुख खान करीम खान (25, जळगाव) याच्याविरोधात गुन्हा दाखल करण्यात आला. आरोपीला अटक करण्यात आली. पुढील तपास पोलिस उपनिरीक्षक गोपाल देशमुख करीत आहे.