नांदेडात पॅथॉलॉजी परवाने रद्द

नांदेड । पॅथॉलॉजिस्टशिवाय सुरु असलेल्या 22 पॅथॉलॉजी लॅबचे परवाने निलंबित करण्यात आले आहे. या लॅब अनधिकृत असून त्या बंद करण्यात याव्यात असे आदेश सर्वोच्च न्यायालयाने दिले आहेत़ परंतु या आदेशाची नांदेडात अद्याप अंमलबजावणी करण्यात नव्हती़ अखेर त्याची दखल घेत महापालिकेने शहरातील 101 लॅबची तपासणी केली़ त्यात पॅथॉलॉजिस्टच्या गैरहजेरीत सुरु असलेल्या 22 लॅबचे परवाने निलंबित करण्यात आले़ महापालिकेच्या या धडक कारवाईमुळे अनधिकृत पॅथॉलॉजी लॅबचालकांचे धाबे दणाणले, राज्यात दहा हजारांवर अनधिकृत लॅब आहेत.

एकच पॅथालॉजिस्ट सर्वत्र
नांदेड जिल्ह्यात सर्रासपणे तंत्रज्ञच तपासणी करुन रुग्णांच्या तपासणीचा अहवाल देत होते़ तर काही ठिकाणी फक्त पॅथॉलॉजिस्टचे लेटरपॅड वापरुन तंत्रज्ञांकडून हा उद्योग सुरु होता़ त्यामुळे एकाचवेळी अनेक जिल्ह्यांत अनेक लॅबमध्ये उपस्थित राहण्याचे पॅथॉलॉजिस्ट बाबांचे चमत्कार सुरु होते.

कट प्रॅक्टीसचा प्रकार
सर्वोच्च न्यायालयाने डीएमएलटी तंत्रज्ञाला तपासण्या करता येणार नाहीत, असे आदेश 12 डिसेंबर 2017 रोजी दिले होते़. रक्त संकलनाच्या नावाखाली कट प्रॅक्टीसचा प्रकार सुरु असल्याचा आरोपही संघटनेच्या वतीने करण्यात आला होता़ न्यायालयाच्या आदेशानंतर आरोग्य विभागाकडून जिल्हानिहाय पॅथॉलॉजी लॅबच्या याद्या मागविल्या आहे़त मानवाधिकार आयोगानेही आता लक्ष घातले आहे़

नांदेडात शेकडो लॅब
शेकडो लॅबमध्ये पॅथॉलॉजिस्ट दुसर्‍याच्या लेटरपॅडवर सर्रासपणे तपासणीचा अहवाल देत होते. धडक मोहिमेत 22 पॅथॉलॉजी लॅबचे परवाने निलंबित करण्यात आले आहेत़ परवाना निलंबित लॅबवर तपासणी करू नये, असे आवाहन मनपाच्या वैद्यकीय अधिकारी डॉ़ सुमती ठाकरे यांनी केले आहे़.

या पॅथॉलॉजीवर कारवाई
शिव क्लिनिक लॅब, मालेगावरोड, एसबीआय बँकेसमोर, ओम क्लिनिक लॅब, भानुश्री हॉस्पिटल, तथागतनगर पाटीजवळ, मालेगावरोड, अनुसया क्लिनिकल लॅब, दरक हॉस्पिटल, भावसार चौक, ओम क्लिनिक लॅब, सन्मित्र कॉलनी, हुंडीवाला हॉस्पिटल, कैवल्य लॅब, चौधरी हॉस्पिटल, चैतन्यनगर, साईराज क्लिनिक लॅब, डॉ. आलमपल्लेवार हॉस्पिटल, आनंदनगर, सिटी केअर क्लिनिक लॅब, चैतन्यनगररोड, सहयोगनगर, मरहब्बा लॅब, पीरबुजहाणनगर, दुर्गा हॉस्पिटल लॅबोरटरी, वसंतनगर, माऊली क्लिनिक लॅबोरेटरी, स्वामी विवेकानंद हॉस्पिटल, नवामोंढा, श्रीनिवास कॉम्प्युटराईज्ड लॅबरॉटरी, हजारी हॉस्पिटल, हिंगोलीगेट, न्यू अ‍ॅक्टिव लॅब, देगलूरनाका, सेवा लॅब, देगलूर नाका,दिशा लॅब, देगलूरनाकाल,युनिर्व्हसल सेवा हॉस्पिटल, देगलूर नाका, नबिला लॅब, चौफाळा,मेट्रो लॅब, देगलूरनाका, फैज लॅब देगलूरनका, मॉडर्न क्लिनिकल लॅब, ज्वारी लाईन, इतवारा, देशमुख हॉस्पिटल, इतवारा, अथर्व पॅथॉलॉजी लॅब, सिडको, पाटणी पॅथॉलॉजी लॅब, सिडको.