पंचक जि.प.उर्दू शाळेत चोरी

धानोरा परिसरात चोरट्यांचा पुन्हा धुमाकूळ

धानोरा । येथून जवळच असलेल्या जिल्हा परिषदेच्या उर्दू व मराठी शाळेत चोरी झाल्याची घटना घडली. गेल्या दोन दिवसांपुर्वीच पंचक आणि धानोरा गावात चोरट्यांनी हैदोस घातला असतानाच पुन्हा एकदा पंचक गावाला चोरट्यांनी लक्ष केले आहे. पंचक येथील जिल्हा परिषदेच्या माध्यमातुन उर्दू आणी मराठी शाळा आहे. सोमवारी शिवजयंती असल्यामुळे शाळेला सुटी होती. हिच गोष्ट चोरट्यांनी हेरत येथील शाळेत दरवाज्यांचे कुलूप, कळी, कोडा काढुन घेत आत प्रवेश करित शाळेत असलेल्या संपुर्ण शैक्षणिक साहित्याची तोडफोड, नासधुस करत, शाळेतील शालेय शालेय पोषण आहाराचे साहित्य चोरुन नेले, त्यात मुगदाळ 25 किलो, मटकी 25 किलो, तेल 4 बॅगा, ’शाळेचे रबरी शिक्के, वटाणे 20 किलो, मसुरदाळ 45 किलो यांसह, मराठी शाळेतील 10 किलो वजनाचे अ‍ॅल्युमिनियमचे पातले अज्ञात चोरट्यांनी चोरून नेले. दरम्यान, पोलिसांकडून पंचनामे करण्याचे काम सुरू होते .