पत्नीवर धर्मांतराची जबरदस्ती

मुंबई । धर्मांतर करण्यासाठी पतीकडून आपल्यावर जबरदस्ती केली जात असून मारहाणही केली जात आहे, असा आरोप मुंबईतील एका मॉडेलने केला आहे. धर्मांतरास नकार देत असल्यामुळे माझ्या मुलाचे अपहरण करण्यात आले आहे, अशी तक्रारही या मॉडेलने वांद्रे पोलीस ठाण्यात केली आहे. रश्मी शहबाजकर असे या मॉडेलचे नाव आहे. ती हिंदू असून 13 वर्षापूर्वी तिचा विवाह आसिफ शहबाजकरशी झाला होता. ‘लग्ननंतरही तुला धर्मांतर करण्याची गरज राहणार नाही. तू हिंदूच राहशील,’ असे तिच्या पतीने तिला सांगितले होते. मात्र आता नवरा आणि सासरच्या लोकांकडून धर्मांतरासाठी दबाव टाकला जात असल्याचा आरोप या मॉडेलने केला आहे. धर्मांतर करत नसल्याने बेदम मारहाण करण्यात आल्याचा दावाही तिने केला आहे.

आपण धर्मांतर करण्यास नकार दिल्याने पती आसिफने दूसरे लग्न केले असून दुसर्‍या पत्नीलाही धर्मांतर करण्यास भाग पाडल्याचा दावा तिने केला आहे. दरम्यान, वांद्रे पोलिसांनी गुन्हा नोंद केला असून या प्रकरणाचा ‘लव्ह जिहाद’शी काही संबंध आहे का? याचा तपास करत आहेत. लग्नानंतर धर्मांतराची गरज नसल्याचे पतीने सांगितल्याचा दावा या मॉडेलने केला आहे. मात्र आता पती धर्मांतरासाठी दबाव टाकत असून मारहाण करत असल्याचा आरोप या मॉडेलने केला आहे. आणि नकार दिल्यानंतर बेदम मारहाण केल्याचा आरोप पीडित मॉडेल रश्मीने केला आहे. मुंबईतील बांद्रा परिसरातल्या न्यू गार्डन व्ह्यू बिल्डींगमध्ये रश्मी शहबाजकर राहतात. तिथूनही हाकलून लावण्याची धमकी पतीने दिल्याचा आरोप त्यांनी केला आहे.

पोलीस तपास सुरू
पहिल्या 3 वर्षांत सर्वकाही सुरळीत होते मात्र तीन वर्षानंतर असिफने रश्मीस तिचा धर्मा परीवर्तन करण्यास दाबाव टाकण्यास सुरुवात केली आणि तिला मारहाण देखील करण्यास सुरुवात केली. मात्र, असिफच्या विरोधात तक्रार दाखल केली. यावेळी असिफने देखील रश्मीच्या विरोधात तक्रार दाखल केली आहे. पोलीस या प्रकाणात तपासणी करत असून या प्रकरणात आणखी काही वेगळा अ‍ॅँगल आहे का याचा देखील पोलीस तपास करत आहेत. याप्रकरणी पोलिसांनी कलम 354, 509, 324, 323 अंतर्गत गुन्हा दाखल केला. मुंबई पोलिस हे ‘लव्ह जिहाद’चं प्रकरण तर नाही ना, याचा शोध घेत आहेत.