परळीत मोठी दुर्घटना; गुदमरून दोघांचा मृत्यू

परळी : परळीत शौचालयाच्या टाकीचे काम करत असताना गुदमरून दोघांचा मृत्यू zzzझाल्याची घटना घडली आहे. या घटनेत तिघेजण गंभीर असल्याने त्यांना अंबाजोगाई येथील स्वामी रामानंद तीर्थ रुग्णालयात दाखल करण्यात आले आहे. ही घटना परळीच्या शिवाजीनगर भागात 24 जानेवारी रात्री बाराच्या सुमारास घडली. या घटनेमुळे परळी शहरात मोठी खळबळ उडाली आहे.

प्राप्त माहितीनुसार, उड्डाणपुलाच्या बाजूस असलेल्या शिवाजीनगर भागातील माणिक बाबुराव पोपळघट यांच्या घरी शौचालयाचे काम करत असताना गुदमरून परळीच्या साठे नगर भागातील अर्जुन रमेश भालेराव (वय 20), विशाल शिवाजी लांडगे (वय 20) यांचा मृत्यू झाला आहे, तर कार्तिक भीमा कांबळे, शिवाजी यादव लांडगे, विशाल रमेश भालेराव यांना अंबाजोगाई येथील शासकीय रुग्णालयात दाखल करण्यात आले आहे.