पालेभाज्या, गवार, कोबी आणि मटार तेजीत

पुणे । श्रीछत्रपती शिवाजी मार्केट यार्डात रविवारी 220 ते 230 ट्रक आवक झाली. आवक जास्त असली तरी पितृपंधरवड्यामुळे भाज्यांना मागणी जास्त असल्याने गवार, कोबी, शेवगा, गाजर आणि मटारच्या भावात दहा ते वीस टक्क्यांनी वाढ झाली असून फळभाज्या व पालेभाज्यांचे भाव मात्र स्थिर असल्याचे व्यापार्‍यांनी सांगितले.

मार्केटयार्डात परराज्यातून कर्नाटक आणि गुजरातमधून 3 ट्रक कोबी, आंध्रप्रदेश आणि तामिळनाडूतून 4 ते 5 टेम्पो शेवगा, कर्नाटकातून 2 टेम्पो, भुईमूग शेंग आणि गुजरात आणि कर्नाटकातून 14 ते 15 टेम्पो, हिरवी मिरचीची आवक झाली आहे. तर स्थानिक भागातून सातारी आले 1400 ते 1500 गोणी, कोबीची 14 ते 15 टेम्पो, फ्लॉवरची 14 ते 15 टेम्पो, सिमला मिरचीची 14 ते 15 टेम्पो, तांबडा भोपळा 10 ते 12 टेम्पो, टोमॅटो साडेपाच ते साडेसहा हजार पेटी, कांदा 70 ते 80 ट्रक, इंदौर, आग्रा, गुजरात आणि तळेगावहून बटाट्याची 50 ते 60 ट्रक, मध्य प्रदेश आणि गुजरातमधून लसणाची 5 हजार गोणींची आवक झाली आहे.

पावसामुळे पालेभाज्या खराब होण्याचे प्रमाण वाढले असून आवकही काही प्रमाणात घटली आहे. मात्र, मागणी चांगली असल्याने पालेभाज्यांचे भाव तेजितच आहेत. घाऊक बाजारात कोथिंबीरीची एक जुडी 10 ते 20 रुपयांना मिळत असून किरकोळ बाजारात 30 ते 40 रुपयांनी विक्री होत आहे. तसेच मेथी घाऊक बाजारात 8 ते 15 रुपयांनी विक्री केली जात आहे. ती किरकोळ बाजारात 15 ते 25 रुपयांपर्यंत विक्री केली जात आहे. इतर पालेभाज्यांचीही चढ्या दरानेच विक्री होत आहे. गुलटेकडी मार्केटयार्डात तरकारी विभागात कोथींबीरीची 1 लाख जुड्यांची आवक स्थानिक परिसरातून झाली आहे. मेथीची 30 हजार जुडींची आवक झाली आहे. आवक कमी झाल्याने पालेभाज्यांचे दर तेजीत आहे.

असे आहेत फळभाज्यांचे दहा किलोचे भाव
कांदा : 140-160, बटाटा : 70-90, लसूण : 250-500, आले सातारी : 170-230, भेंडी : 200-250, गवार : गावरान व सुरती – 300-400, टोमॅटो : 100-120, दोडका : 150-250, हिरवी मिरची : 100-250, दुधी भोपळा : 60-120, चवळी : 150-200, काकडी : 60-100, कारली : हिरवी 150-200, पांढरी : 100-120, पापडी : 140-160, पडवळ : 150-200, फ्लॉवर : 140-160, कोबी : 120-160, वांगी : 250-350, डिंगरी : 160-180, नवलकोल : 140-150, ढोबळी मिरची : 150-200, तोंडली : कळी 240-250, जाड : 90-100, शेवगा : 400-500, गाजर : 150-200, वालवर : 180-220, बीट : 140-160, घेवडा : 300-350, कोहळा : 100-150, आर्वी: 200-250, घोसावळे : 180-200, ढेमसे : 200-220, मटार : स्थानिक : 700-1000, पावटा : 200-220, तांबडा भोपळा : 100-140, भुईमुग शेंग : 400, सुरण : 250-260, मका कणीस : 50-80, नारळ (शेकडा) : 1000-1600.

मासळीची मागणी वाढली
मासळीच्या मागणीत रविवारी वाढ झाली असून भावांतील तेजी कायम आहे़ सध्या मासळी बाजारात आवकही चांगली होत आहे. श्रावण महिना आणि गणेशोत्सवानंतर मासळी, मटण, चिकन यांची मागणी वाढली आहे. गुरुवारपासून नवरात्र महोत्सव सुरू होत आहे. सोमवार, मंगळवार आणि सर्वपित्री अमावस्या त्यापुर्वी असल्याने रविवारी मासळीची मागणी वाढली होती. गणेशपेठेतील घाऊक मासळी बाजार आणि शहराच्या इतर ठिकाणी असलेल्या मासळी विक्रीच्या दुकानात मागणी वाढली होती. गणेश पेठेतील मासळीच्या घाऊक बाजारात पुर्व आणि पश्चिम किनारपट्टीवरून मासळीची चांगली आवक होत आहे. रविवारी गुजरात किनारपट्टीवरून साडे तीन टन, मुंबई येथून 2 ते 3 टन आवक झाली. खोल समुद्रातील मासळीची 10 ते 12 टन, खाडीची मासळी 200 ते 250 किलो, नदीची मासळी 300 ते 400 किलो इतकी आवक झाली. मात्र गेल्या आठवड्याच्या तुलनेत खाडी आणि नदीच्या मासळीची आवक थोडी घटली असून आंध्रप्रदेशातून रहु, कतला, सीलनची 12 ते 14 टन इतकी आवक झाली आहे. मटण आणि चिकन यांची मागणी स्थिर असून या आठवड्यात गावरान अंड्याच्या शेकड्याच्या भावात 20 रुपये आणि इंग्लिश अंड्याच्या भावात 25 रुपयांनी घट झाली. परंतु त्यांचे डझन आणि किरकोळ विक्रीच्या दरात बदल झाला नाही.

मासळीचे भाव (प्रतिकिलो)
पापलेट कापरी : 1400, मोठे : 1000, मध्यम : 700-800, लहान : 550, भिला : 480, हलवा : 400-480, सुरमई : 400- 480, रावस लहान : 480-550, मोठा : 650, घोळ : 580, करली : 240-280, करंदी (सोललेली) : 240, भिंग : 320, पाला : 800 -1200, वाम : 280-360, ओले बोंबील : 100-160, कोळंबी लहान : 240, मोठी : 400-480, जंबोप्रॉन्स : 1400, किंगप्रॉन्स : 650-750, लॉबस्टर : 1400, मोरी : 240 -280, मांदेली : 60 -120, राणीमासा : 80 -180, खेकडे : 160-200, चिंबोर्‍या : 400 -480.

पालेभाज्यांचे शेकड्यातील भाव
कोथिंबीर : 1000-2000, मेथी : 800-1500, शेपू : 500-800, कांदापात : 800-1000, चाकवत : 800-1000, करडई : 500-700, पुदिना : 400-500, अंबाडी : 500-700, मुळे : 800-1200, राजगिरा : 500-600, चुका : 800-1000, चवळई : 500-800, पालक : 1000-1200.

खाडीची मासळी
सौंदाळे : 200, खापी : 160-200, नगली : 360-440, तांबोशी : 360, पालू : 280, लेपा : 120-180, शेवटे : 280, बांगडा : 100-200, पेडवी : 60, बेळुंजी : 100-120, तिसर्‍या : 160, खुबे : 140, तारली : 80-100. नदीची मासळी रहू : 140-160, कतला : 160-200, मरळ : 360, शिवडा : 160, चिलापी : 60, मांगूर : 140, खवली : 160, आम्ळी : 60-100, खेकडे : 200, वाम : 400.

उत्पादन खर्चही निघत नसल्याने शेतकरी संकटात
पितृपंधरवड्यामुळे फुलांची मागणी घटली आहे. सध्या फुलांना जे दर मिळत आहेत त्यातून उत्पादन खर्चही निघत नसल्याने शेतकरी संकटात सापडला आहे. पुढील आठवड्यात नवरात्र सुरू होणार आहे. त्यावेळी फुलांचे भाव वाढतील. सध्या फुलांचे उत्पादन शेतकर्‍यांकडे आहे. मात्र भाव मिळत नसल्याने शेतकरी फुले विक्रीला आणत नाहीत़ जर पाऊस असाच सुरू राहिला तर फुलांचे नुकसान होणार आहे. मात्र चांगल्या दर्जाच्या फुलांचे भाव वाढतील, असा अंदाज व्यापार्‍यांनी व्यक्त केला.

मटण
बोकडाचे : 440, बोल्हाईचे : 440, खिमा : 440, कलेजी : 480. चिकन : चिकन : 140, लेगपीस : 170, जिवंत कोंबडी : 110, बोनलेस : 240. अंडी : गावरान शेकडा : 600, डझन : 84, प्रति नग : 7, इंग्लिश शेकडा : 370, डझन : 54, प्रतिनग : 4.50.

डाळींब, चिक्कूचे दर वाढले
मागणी वाढल्यामुळे डाळींब आणि चिक्कूच्या भावात वाढ झाली आहे. डाळिंबाच्या भावात गेल्या आठवड्याच्या तुलनेत 10 टक्के तर चिक्कूच्या भावात गोणीमागे 100 रुपयांची वाढ झाली आहे. मार्केटयार्डातील फळ बाजारात मोसंबी, सफरचंदाची मोठी आवक झाली आहे. मागणी आणि पुरवठा यातील समतोलामुळे मोसंबी, सफरचंदासह सर्व फळांचे भाव गेल्या आठवड्याच्या तुलनेत स्थिर असल्याची माहिती व्यापार्‍यांनी दिली. गुलटेकडी येथील श्री छत्रपती शिवाजी मार्केट यार्ड येथील फळ विभागामध्ये रविवारी अननस 10 ट्रक, मोसंबीची 75 टन, संत्र्याची 12 टन, डाळिंब 100 टन, पपई 25 ते 30 टेम्पो, लिंबाची 4 ते 5 हजार गोणी, चिक्कू 2 हजार पेटी, पेरुची चारशे क्रेट, कलिंगड 20 ते 25 टेम्पो, खरबुज 12 ते 15 टेम्पो, सफरचंद 15 हजार पेटी आणि सिताफळाची 7 ते 8 टन इतकी आवक झाली असल्याचे व्यापार्‍यांनी सांगितले.

फळांचे भाव पुढीलप्रमाणे
लिंबे (प्रति गोणी) : 200-550, अननस (डझन) : 70-280, मोसंबी : (3 डझन) : 140-230, (4 डझन ) :60-110, संत्रा : (3 डझन) 100-200, (4 डझन) : 40-100, डाळिंब (प्रति किलोस) : भगवा : 30-80, गणेश 10-30, आरक्ता 10-40. कलिंगड : 5-10, खरबुज : 12-15, पपई : 5-20, चिक्कू : 100-500, पेरू (20 किलो) : 500-700, सिताफळ : 10-130, सफरचंद : सिमला (20 ते 25 किलो) : 1200-2500, काश्मीर डेलीशियस (15 किलो) 800-1400, किन्नोर : (25 किलो) 1800-2800.

(प्रतिकिलोचे भाव) पुढीलप्रमाणे
झेंडू 5-40
गुलछडी 40-60
बिजली: 20-40
कापरी : 10-20
शेवंती: 30-60
ऑस्टर : 8 ते 12
गुलाबगड्डी 05-10
ग्लॅडिएटर 5-10
गुलछडी काडी : 05 ते 10
डच गुलाब (20 नग)
20-50
लिलिबंडल 02-4
अबोली लड 60-80
जर्बेरा 5-15, कार्नेशियन 30-50.