पिंपरी-चिंचवडमध्ये ११९ मद्यपींवर कारवाई !

पिंपरी-चिंचवड- २०१८ ला निरोप आणि नवनवर्षाचे स्वागत या निमित्ताने थर्टी फर्स्टच्या ओल्या पार्ट्या करून परतणाऱ्या ११९ मद्यपी वाहनचालकांवर वाहतूक शाखेने कारवाई केली. निगडी, चिंचवड, चाकण, भोसरी, पिंपरी, हिंजवडी, देहुरोड, तळवडे अशा विविध ठिकाणी ब्रिथ अनालायरच्या साह्याने वाहनचालकांची तपासणी केली असता, त्यात मद्य प्राशन करून वाहन चालविणारे आढळुन आले, त्यांच्यावर दंडात्मक कारवाई करण्यात आली. अशी माहिती वाहतुक पोलिसांनी दिली.

थर्टी फर्स्टच्या रात्री प्रमुख वर्दळीच्या रस्त्यावर, चौकात पोलीस फौजफाटा तैनात करण्यात आला होता. पुणे शहरातून पिंपरी चिंचवडमध्ये प्रवेश करणाऱ्या रस्त्यांवर नाकाबंदी करण्यात आली होती. उपकरणाच्या माध्यमातून पोलिसांनी मद्यपी वाहनचालकांंची तपासणी केली. निगडीत ६, चिंचवडमध्ये १०, चाकण ३, भोसरी १९, पिंपरी १६, हिंजवडी ५३, देहुरोड ९, तळवडे ३ अशा मिळुन एकुण ११९ जणांवर ड्रंक अँड ड्राईव्ह अंतर्गत पोलिसांनी कारवाई केली. रविवारी पोलिसांनी १२७ मद्यपी वाहनचालनकांवर कारवाई केली होती