पुण्यात अंगावर फरशा पडल्याने दोन कामगारांचा मृत्यू

पुणे : इमारतीचं बांधकाम सुरु असताना अंगावर फरशा पडल्याने दोन कामगारांचा मृत्यू झाल्याची घटना घडली आहे. येरवडा परिसरात आज सकाळी १० वाजता सदरील घटना घडली.

पुण्यातील येरवडा भागातील बोट क्लब रस्त्यावर एका इमारतीचं काम सुरु आहे. या ठिकाणी मोठ्या फरशांची ने-आण करत असताना काही फरशा कामगारांच्या अंगावर पडल्या. फरशांखाली दबल्या गेलेल्या कामगारांना तातडीने बाहेर काढून रुग्णालयात दाखल करण्यात आलं. मात्र दोघांचाही मृत्यू झाल्याचं डॉक्टरांनी सांगितलं. मृत्युमुखी पडलेल्या दोन्ही कामगारांची ओळख अद्याप पटली नाही. अग्निशमन दलाचे जवान आणि पोलिस घटनास्थळी दाखल झाले आहेत.