पोलीस भरतीची तयारी करताना कारची धडक; दोघांचा मृत्यू

परभणी : पोलीस भरतीसाठी तयारी करत असताना भरधाव कारने चार तरुणांना उडवल्याची घटना शुक्रवारी परभणी जिल्ह्यात घडली. यात दोन तरुणांचा मृत्यू झाला असून सोनू साबळे (वय १८) आणि गोविंद साबळे (वय २१) अशी या मृत्यू झालेल्या तरुणांची नावे आहेत.

परभणी जिल्ह्यातील पूर्णा तालुक्यात माटेगाव येथील चार तरुण पोलीस भरतीची तयारी करत होते. शारीरिक चाचणीसाठी ते चौघेही धावण्याचा सराव करत होते. यादरम्यान, त्यांना भरधाव तव्हेरा कारने उडवले असून यात दोघांचा मृत्यू झाला. तर अन्य दोघे जण गंभीर जखमी झाले आहेत. त्यांच्यावर स्थानिक रुग्णालयात उपचार सुरु आहेत.