प्रेमी युगुलाची गळफास घेवून आत्महत्या

धुळे । साकी तालुक्यातील धाडणे फाट्यावर एका प्रेमी युगुलाने वडाच्या झाडाला गळफास घेवून आत्महत्या केली. ही घटना मंगळवारी सकाळी उघडकीस आली असून गावात हळहळ व्यक्त होत आहे. नागपूर सुरत राष्ट्रीय महामार्गालगत साक्री ते पिंपळनेर रोडवर असलेल्या धाडणे गावाच्या फाट्यालगत एका वडाचे झाड आहे़ या झाडाला धाडणे (ता. साक्री) येथील कैलास रमेश बागुल आणि नाशिक जिल्ह्यातील कळवळ तालुक्यातील दिपाली सोमनाथ चव्हाण (गाव माहित नाही) या प्रेमीयुगुलाची नावे पुढे येत आहेत़ त्यांनी झाडाला दोरीच्या सहाय्याने गळफास घेतला आणि आपल्या प्रेमाला पुर्णविराम दिला़

गळफासपुर्वी दोघांच्या स्वाक्षरीने लिहिली सुसाईड नोट
दिपाली आणि कैलास यांनी आत्महत्या करण्यापुर्वी सुसाईड नोटस् लिहून ठेवली होती. त्यात आई, वडील व भाऊ यांचा उल्लेख करून स्वतःची काळजी घेण्याचे सांगितले होते. तसेच आम्ही पळून जावून मे महिन्यात लग्न केल्याचे नमूद करत तुमच्यापासून दुर गेल्यानंतर आमचे आपापसात सतत भांडण होत असल्याने आम्ही टोकाची भुमिका घेतली होती. या घटनेनंतर कोणीही एकमेकांत क्लेषाची भावना बाळगून घेऊ नये. हिच तुम्हाला विनंती आहे. भांडण करू नका, तुमची मुले तुमच्यावर खुप प्रेम करतात पण तुम्ही पण त्यांच्या प्रेमाला जाणा हिच विनंती. हे बघा खरंच आम्ही दोघेही एकमेंकावर अपार प्रेम करतो आणि ऐकमेकांवर अपार प्रेम करतो आणि एकमेकांशिवाय राहू पण नाही शकत. पण जीवन अशा मोडवर आले आहे की, समोर फक्त मृत्यू दिसतो आहे.

मंगळवारी सकाळी उघडकीस
ही घटना सोमवारी रात्री घडली असावी असा अंदाज असून मंगळवारी सकाळी ही बाब उघडकीस आली. या घटनेची माहिती मिळताच परिसरातील ग्रामस्थांनी घटनास्थळी गर्दी केली आहे़ घटनेची माहिती पोलिसांना मिळताच त्यांनी भेट दिली आहे़ प्रेमीयुगुलांबद्दल अजून माहिती संकलित करण्याचे काम सुरु आहे. घटनेचा पुढील तपास पोलीस करीत आहेत.