प्रेयसीच्या वडीलांसमोर प्रियकराचा आत्महत्येचा प्रयत्न

तरुणासह तरुणीनेही केले उंदीर मारण्याचे औषध प्राशन ; एरंडोल येथील अजब प्रेम की गजब कहाणी

जळगाव – तीन वर्षापासून प्रेम असलेल्या तरुणीच्या कुटुंबियांनी सुरुवातीला लग्नास होकार दर्शविला. प्रत्यक्षात लग्न करण्याची वेळ आल्यावर यु टर्न घेणार्‍या मुलीच्या वडीलांसमोर प्रियकर तरुणाने उंदीर मारण्याचे औषध प्राशन करुन सिनेस्टाईल आत्महत्येचा प्रयत्न केला. प्रियकरानंतर प्रेयसी मुलीनेही औषध प्राशन केले अन् एका रिक्षातून दोघेही स्वतः रुग्णालयात दाखलही झाले. एरंडोल येथील या अजब प्रेम की गजब कहाणीचा सोमवारी प्रत्यय आला. शाहरुख शकील पिंजारी वय 20 व आफरीन शेख जमील वय 17 दोन्ही रा.एरंडोल अशी त्यांची नावे असून दोघांवर जिल्हा रुग्णालयात उपचार सुरु आहेत.

एरंडोल शहरातील म्हसावद नाका, फकीर मोहल्लयात तरुण व तरुणी या दोघांचे एकाच गल्लीत घर आहे. शाहरूख गवंडी काम करतो. तर आफरीन ही शाळा शिकत नसल्याने घरीच राहते. दोघांचे तीन वर्षापासून एकमेकांवर प्रेम आहे. या प्रेमाला शाहरुखच्या कुटुंबियांचा होकार आहे. आफरीनच्या कुटुंबियांकडून त्याला काही हरकत नव्हती. मात्र लग्न करण्याचा निर्णय झाल्यानंतर एैनवेळी आफरीनच्या वडीलांनी यु टर्न घेतला. आणि प्रेमाला तसेच लग्नाला विरोध दर्शविला.

मै ये शादी नही होने दूँगा
लग्नाला विरोध होत असल्याने प्रियकराने सोमवारी दुपारी 2 वाजता मुलीचे घर गाठले. व तिच्या वडीलांना विरोध करण्याबाबत जाब विचारला. मुलीचे वडील तरुणाला मेरी लडकीसे बात करना बंद, मै तेरी उसके साथ शादी नही होने दूँगा असे म्हणाले तर त्यावर उत्तर देत प्रियकर शाहरुख ने मै शादी करुंगा तो आपली लडकीसे करुँगा, नही तो मै मर जाऊंगा, असे म्हणत सोबत आणलेले उंदीर मारण्याचे औषध घेतले. आफरीनेही त्यापाठोपाठ औषध प्राशन केले. वडीलांसमोर ती शाहरुखसोबत एरंडोल ग्रामीण रुग्णालयात गेली. तेथून त्यांना जिल्हा रुग्णालयात जाण्याचा सल्ला देण्यात आला. सांयकाळी दोघेही जिल्हा रुग्णालयात दाखल झाले असून दोघांवरीही उपचार सुरु आहे.

पोलीस कर्मचारीही थक्क
एरंडोलच्या सिनेस्टाईल या अजब प्रेम की गजब कहाणीने जिल्हा रुग्णालयातील पोलीस चौकीतील पोलीस हेड कॉन्स्टेबल प्रदीप बडगुजर व तेजस मराठे हे दोघेही थक्क झाले आहे. कर्मचार्‍यांनी शाहरुखा जबाब नोंदविला असून त्यात घडलेल्या घटनेबाबत नमूद केले आहे.