प्लॅस्टीकबंदी ; भुसावळात सलग तिसर्या दिवशी कारवाई
भुसावळ- राज्यात प्लॉस्टीक बंदीची घोषणा सरकारने 23 जूनपासून केल्यानंतर सर्वत्र त्याची अंमलबजावणी केली जात असताना भुसावळ पालिकेनेही कारवाईसाठी कंबर कसली आहे. पहिल्या दिवशी सोमवारी कुकरेजा सुपर मार्टवर कारवाई झाल्यानंतर मंगळवारी यावल रोडवरील शंकर प्रोव्हीजनचे संचालक अमित कुमार यांच्याकडून पाच हजारांचा दंड वसुल करण्यात आला होता तर बुधवारी सकाळी श्रीराम डेअरीचे संचालक विलास विश्वनाथ बोंडे यांच्याकडून पाच हजारांचा दंड वसुल करण्यात आला. प्लॅस्टीकवर बंदी असताना डेअरीमध्ये प्लॅस्टीक कॅरीबॅग तसेच दुध पॅकींग पिशव्या तसेच प्लॅस्टीक ग्लास आढळून आल्याने कारवाई करण्यात आली. पालिकेचे मुख्याधिकारी रोहिदास दोरकुळकर यांच्या मार्गदर्शनाखाली प्रभारी आरोग्याधिकारी निवृत्ती पाटील, आरोग्य निरीक्षक प्रदीप पवार, आरोग्य निरीक्षक व्ही.सी.राठोड, पर्यवेक्षक सुरज युवराज नारखेडे आदींच्या पथकाने ही कारवाई केली.