फळभाज्यांची आवक घटली, भाव तेजीतच

पुणे । परतीच्या पावसाने फळभाज्यांचे नुकसान झाले. नवीन फळ भाजीपाल्याची अजून पुरेशा प्रमाणात छत्रपती शिवाजी मार्केट यार्डात आवक होत नाही. त्या तुलनेत मागणी अधिक आहे. बाजारात आलेल्या मालाची सकाळी लवकर विक्री होत आहे. त्यामुळे कांदा, टोमॅटो, कोबी आणि फ्लॉवर वगळता सर्व फळभाज्यांचे वाढलेले भाव कायम आहेत. मागणी अधिक असल्यामुळे कांद्याचे भाव वाढले आहेत. तर आवक जास्त झाल्याने टोमॅटो, कोबी आणि फ्लॉवरच्या भावात घसरण झाली असल्याची माहिती व्यापारीर्‍यांनी दिली़

दरम्यान आणखी 15 दिवस अशीच स्थिती राहिल, असा अंदाजही व्यक्त केला जात आहे. रविवारी गुलटेकडी मार्केट यार्डात सुमारे 150 ते 160 ट्रक शेतमालाची आवक झाली. परराज्यातून बेंगलोर येथून 3 टेम्पो आले, हिमालचप्रदेश येथून 3 टेम्पो मटार, कर्नाटक आणि गुजरात येथून 4 ते 5 ट्रक कोबी, आंध्र प्रदेश, कर्नाटक आणि गुजरात येथून 14 ते 15 टेम्पो हिरवी मिरची, तामिळनाडू येथून 2 ते 3 टेम्पो शेवगा, मध्यप्रदेश आणि गुजरात मधून लसणाची अडीच हजार गोणींची आवक झीली. स्थानिक भागातून सातारी आले 1200 ते 1300 पोती, टॉमेटोची साडेचार ते 5 हजार पेटी, हिरवी मिरचीची 5 ते 6 टेम्पो, फ्लॉवरची 10 ते 12 टेम्पो, कोबीची 18 ते 20 टेम्पो, ढोबळी मिरचीची 8 ते 10 टेम्पो, गाजरची 100 पोती, भुईमूग शेंगाची 60 ते 70 पोती, तांबडा भोपळाची 8 ते 10 टेम्पो, गवारची 7 ते 8 टेम्पो, भेंडीची 7 ते 8 टेम्पो, नवीन कांद्याची 30 ते 40 ट्रक, जुना कांद्याची 50 ते 60 ट्रक, आग्रा, इंदौर, गुजरात आणि स्थानिक भागातून मिळून बटाट्याची 40 ट्रक इतकी आवक झाली.

फळभाज्यांचे दहा किलोचे भाव
कांदा : नवीन 300-320, जुना – 300 – 400, बटाटा : 70-100, लसूण : 300-450, आले सातारी : 250-260, आले बेंगलोर : 250-260, भेंडी : 250-350, गवार : गावरान आणि सुरती 400-500, टोमॅटो : 300-400, दोडका : 300-350, हिरवी मिरची : 250-350, दुधी भोपळा : 80-140, चवळी : 200-250, काकडी : 120-160, कारली : हिरवी 300-350, पांढरी : 200-220, पापडी : 300-400, पडवळ : 280-300, फ्लॉवर : 140-180, कोबी : 200-280, वांगी : 300-500, डिंगरी : 200-250, नवलकोल : 150-200, ढोबळी मिरची : 400-450, तोंडली : कळी 280-300, जाड : 120-140, शेवगा : 900-1000, गाजर : 300-350, वालवर : 300-350, बीट : 250-350, घेवडा : 100-150, कोहळा : 100-150, आर्वी : 200-250, घोसावळे : 200-250, ढेमसे : 200-250, पावटा : 600, भुईमूग शेंग : 300-350, मटार : 800-950, तांबडा भोपळा : 80-120, सुरण : 280-300, मका कणीस : 50-80, नारळ (शेकडा) : 1000-1600.

लग्नसराईमुळे फुलबाजार मागणी
लग्नसराईला सुरुवात झाल्याने जबेर्रा, गुलाब, कार्नेशियन आदी शोभीवंत फुलांची मागणी वाढू लागली आहे. सध्या बाजारात विविध प्रकारच्या फुलांची मोठ्या प्रमाणात आवक होत असून मागणी अभावी दरात घट झाली आहे. तर, थंडीमुळे गुलछडीची आवक घटल्याने दरात दुप्पटीने वाढ झाली असल्याची माहिती व्यापार्‍यांनी दिली.

फुलांचे प्रति किलोचे दर पुढीलप्रमाणे
झेंडू : 10-30, गुलछडी : 30-60, कापरी : 10-40, शेवंती : 20-40, ऑस्टर : 10-16, गुलाबगड्डी (गड्डीचे भाव) : 8-15, ग्लॅडिएटर : 8-15, गुलछडी काडी : 10-30, डच गुलाब (20 नग) : 50-100, लिलिबंडल : 3-6, जबेर्रा : 20-30, कार्नेशियन : 50-150, अबोली लड : 200-250

पालेभाज्यांचे भाव लागले उतरू
मार्केट यार्डात पालेभाज्यांची आवक वाढण्यास सुरुवात झाली आहे. त्यामुळे त्यांचे वाढलेले भाव कमी होण्यास सुरुवात झाली आहे. घाऊक बाजारात कोथिंबिरीच्या भावात गेल्या आठवड्याच्या तुलनेत शेकडा जुडीमागे निम्म्याने घट झाली आहे. तर मेथीच्या भावात शेकडा जुडीमागे 300 रुपयांनी घट झाली आहे. कोथिंबीर, मेथीच्या जुडीला घाऊक बाजारात 8 ते 12 रुपये भाव मिळत आहे. तर किरकोळ बाजारात दोन्ही भाज्यांच्या जुडीला 20 ते 30 रुपये मोजावे लागत आहेत. चुका वगळता उर्वरित सर्व पालेभाज्यांच्या भावात शेकडा जुडीमागे 100 ते 200 रुपयांनी घट झाली आहे. लग्नसराईमुळे मागणी वाढल्यामुळे चुक्याचे भाव मात्र गेल्या आठवड्याच्या तुलनेत शेकडा जुडीमागे 700 रुपयांनी वाढले आहेत. मार्केट यार्डातील तरकारी विभागात रविवारी कोथिंबिरीची तब्बल 2 लाख जुडी, तर मेथीची 75 हजार जुडी आवक झाली. परतीच्या पावसानंतर पहिल्यांदाच या आठवड्यात भाज्यांची मोठी आवक झाली आहे. त्यामुळे सर्व पालेभाज्यांच्या भावात घसरण होण्यास सुरूवात झाली आहे. येत्या 15 दिवसात सर्व पालेभाज्यांचे भाव सर्वसामान्यांच्या आवाक्यात येतील, असा अंदाज व्यापारी विलास भुजबळ यांनी व्यक्त सांगीतले.

पालेभाज्यांचे भाव (शेकडा जुडी)
कोथिंबीर : 800-1200, मेथी : 800-1200, शेपू : 1200-1600, कांदापात : 1000-1500, चाकवत : 500-600, करडई : 500-600, पुदिना : 500-700, अंबाडी : 500-700, मुळे : 1000-1200, राजगिरा : 500-700, चुका : 1000-1500, चवळई : 1000-1200, पालक : 800-1000.

डाळींब, खरबुज, कलिंगड महागले
आवकच्या तुलनेत मागणी वाढल्याने डाळींब, संत्रा, कलिंगड, खरबूजच्या दरात 10 ते 20 टक्क्यांनी वाढ झाली असून इतर फळांचे दर स्थिर आहेत. मार्केटयार्डातील फळबाजारात दाखल होत असलेल्या बहुतांश फळांना परतीच्या पावसाचा फटका बसल्याने मालाचा दर्जा घसरला आहे. याचा सर्वाधिक फटका डाळींबाला बसला असून बाजारात निम्म्याहून अधिक माल दुय्यम दजार्चा असल्याची माहिती व्यापार्‍यांनी दिली. फळबाजारात रविवारी अननस 7 ट्रक, मोसंबी 80 टन, संत्र्याची 15 टन, डाळिंब 70 ते 80 टन, पपई 20 ते 25 टेम्पोे, लिंबाची 5 ते 6 हजार गोणी, चिक्कू 1 हजार बॉक्स, पेरु आठशे क्रेटस्, कलिंगड 15 ते 20 टेम्पो, खरबुज 4 ते 5 टेम्पो, सफरचंद 10 ते 12 हजार पेटी, बोरे सहाशे गोणी, सिताफळ 10 टन इतकी आवक झाल्याचे व्यापार्‍यांनी सांगितले.

फळांचे दर पुढीलप्रमाणे
लिंबे (प्रति गोणी) : 50-200, अननस (डझन) : 70-270, मोसंबी : (3 डझन) : 160-260, (4 डझन ) : 100-160, संत्रा : (3 डझन) 220-350, (4 डझन) : 90-160, डाळिंब (प्रति किलोस) : भगवा : 40-150, गणेश 20-60, आरक्ता 10-40, कलिंगड : 5-12, खरबुज : 10-20, पपई : 5-20, चिक्कू : 100-500, पेरू (20 किलो) : 400-500, सीताफळ : 10-125. सफरचंद : सिमला (25 किलो) : 1200-1800, काश्मीर डेलीशियस (15-16 किलो) 700-1100, किन्नोर : (25 किलो) 1600-2100, अमेरिकन डेलीशियस : (15 किलो) 1000-1200, बोरे : चेकनट (10 किलो) 450-550, चण्यामण्या : 450-550, चमेली : 180-210, उमराण : 80-100

मासळीचे दर तेजीत
पुर्व आणि पश्‍चिम किनारपट्टीवरून मासळीची आवक चांगली होत असून मागणी कायम असल्याने मासळीचे तेजीतील दर कायम आहे. दरम्यान, थंडीचा जोर वाढू लागल्याने गावरान तसेच इंग्लिश अंड्याला मागणी वाढू लागली आहे. आवकेच्या तुलनेत मागणी जास्त असल्याने गावरान अंड्यांच्या दरात शेकड्यामागे 40 ते 45 रुपये तर इंग्लिश अंड्यांच्या दरात 50 रुपयांनी वाढ झाल्याची माहिती व्यापार्‍यांनी दिली. गणेश पेठेतील घाऊक बाजारात खोल समुद्रातील मासळीची सुमारे 12 ते 14 टन, खाडीच्या मासळीची सुमारे 400-500 किलो आणि नदीतील मासळीची सुमारे 600 ते 700 किलो इतकी आवक झाली. तर, आंध्रप्रदेशातील रहु, कतला, सीलन या मासळींची सुमारे 12 ते 15 टन आवक झाली असल्याची माहिती व्यापार्‍यांनी दिली.

मासळीचे दर पुढीलप्रमाणे (प्रतिकिलो)
पापलेट : कापरी : 1500, मोठे : 1400, मध्यम : 900, लहान : 600, भिला : 400, हलवा : 440, सुरमई : 440, रावस लहान : 440, मोठा : 600, घोळ : 550, करली : 280, करंदी ( सोललेली ) : 200, भिंग : 200, पाला : 600-1200, वाम : 280-400, ओले बोंबील : 100, कोळंबी : लहान : 200, मोठी : 420, जंबोप्रॉन्स : 1450, किंगप्रॉन्स : 850, लॉबस्टर : 1500, मोरी : 200, मांदेली : 100, राणीमासा : 140, खेकडे : 200, चिंबोर्‍या : 400, खाडीची मासळी : सौंदाळे : 200, खापी : 180, नगली : 240-480, तांबोशी : 360, पालू : 200, लेपा : 120-200, शेवटे : 200, बांगडा : 100-160, पेडवी : 60, बेळुंजी : 100, तिसर्‍या : 160, खुबे : 120, तारली : 100. नदीची मासळी : रहू : 160, कतला : 180, मरळ : 360, शिवडा : 140, चिलापी : 60, मांगूर : 140, खवली : 160, आम्ळी : 60, खेकडे : 160, वाम : 400
मटण : बोकडाचे : 440, बोल्हाईचे : 440, खिमा : 440, कलेजी : 480. चिकन : चिकन : 140, लेगपीस : 170, जिवंत कोंबडी : 110, बोनलेस : 240. अंडी : गावरान : शेकडा : 690, डझन : 90 प्रति नग : 7.50 इंग्लिश : शेकडा : 495 डझन : 66 प्रतिनग : 5.5