फुले दाम्पत्य सन्मान सोहळा

लेण्याद्री । महात्मा फुले विचार मंच जुन्नर तालुक्याच्या वतीने लेण्याद्री येथे फुले दाम्पत्य सन्मान सोहळ्याचे आयोजन करण्यात आले. यावेळी प्रमुख अतिथी म्हणून तोरणा रायगड न्यास संस्था पुणेचे शिला रमेश आंबेकर या दाम्पत्याने हजेरी लावली होती. तर प्रमुख व्याख्यात्या म्हणून डॉ. सुषमा अंधारे उपस्थित होत्या. कार्यक्रमाच्या सुरुवातीला क्रांतीसूर्य जोतिबा फुले व क्रांतीज्योती सावित्रीबाई फुले यांच्या प्रतिमांचे पूजन मान्यवरांच्या हस्ते करण्यात आले.

1 जानेवारी 1848 साली फुले दाम्पत्याने पहिली मुलींची शाळा सुरू केली. याच घटनेचे स्मरण करून हा कार्यक्रम गेल्या चार वर्षांपासून घेत असल्याचे मंचाचे कार्याध्यक्ष जितेंद्र बिडवई यांनी आपल्या प्रास्ताविकात सांगितले. प्रमुख मार्गदर्शक डॉक्टर सुषमा अंधारे यांनी जातीयवाद, स्त्री मुक्ती, अनिष्ट रूढी परंपरा, समाजवाद या विषयांना स्पर्श करत विज्ञानाची कास धरण्याचे आवाहन उपस्थितांना केले. वैयक्तिक सन्मान खूप होतात परंतू जे पती-पत्नी समाजासाठी काम करतात त्यांचा सन्मान हा आदर्श असल्याचे त्या म्हणाल्या. लकी ड्रॉ पद्धतीने एका भाग्यवान फुले दाम्पत्याची निवड करण्यात आली. त्यात रूपाली रत्नाकर डोके हे दाम्पत्य भाग्यवान ठरले. प्रा. डी. एल. म्हस्के, गोविंद मेहेर, जयवंत डोके, मच्छिंद्र शेटे, संजय ढेकणे, प्रकाश ताजणे, तुषार थोरात, बाळासाहेब विधाटे, राजेश बिडवई आदी मान्यवर याप्रसंगी उपस्थित होते. कार्यक्रमाचे प्रास्ताविक संस्थेचे कार्याध्यक्ष जितेंद्र बिडवई यांनी केले. सूत्रसंचलन सुनीता वामन तर आभार पल्लवी डोके यांनी मानले.

दहा दाम्पत्यांचा सन्मान
तालुक्यात विविध क्षेत्रात सामाजिक जाणिवेतून काम करणार्‍या दहा दाम्पत्यांचा सन्मान करण्यात आला. त्यामध्ये डॉ. सविता संजय रहांगडाले, नम्रता मनोज हडवळे, पल्लवी गणेश हांडे, डॉ. सुनिता संजय वेताळ, कविता शशिकांत जाधव, माधुरी दत्तात्रय म्हसकर, अश्‍विनी विकास घोगरे, डॉ. अनुष्का प्रविण शिंदे, ज्योती दिपक काशीद, मालती सुरेश गायकवाड या दाम्पत्यांचा सन्मानपत्र, महावस्त्र, साडी व पुष्पगुच्छ देऊन सन्मान करण्यात आला.