फैजपूरात गरजूंसाठी नगरसेवक शेख कुर्बान यांचा पुढाकार

फैजपूर : कोरोना विषाणूला रोखण्यासाठी करण्यात आलेल्या संचारबंदीमुळे उद्योग – व्यवसाय बंद आहेत त्यामुळे कामगार, मजूरवर्गावर उपासमारीची वेळ आली आहे. अनेक गोरगरीब कामगारांच्या खानावळी बंद असल्यामुळे त्यांचे पोटापाण्याचे हाल होत आहेत, हे लक्षात घेत नगरसेवक शेख कुर्बान व त्यांच्या सहकारी मित्रांच्या पुढाकाराने शहरातील सावदा रोड जवळील महाराष्ट्र तोलकाटा येथे सुमारे 50 हून अधिक गरजूंना रोज दोन वेळचे जेवण व नाश्ता वाटप करण्यात येत आहे. हा उपक्रम संचारबंदी पासून सुरू असल्याचे शेख कुर्बान यांनी सांगितले.

तोलकाटा ग्रुपचा पुढाकार
कुटुंबाच्या उदरनिर्वाहासाठी हे कामगार मुंबई, पुणे व पिंपरी चिंचवड परिसरात एक वर्षांपूर्वी आले. मात्र, कोरोनाचा प्रसार रोखण्यासाठी केलेल्या लॉकडाऊनमुळे हातावर पोट असणार्‍या कामगारांचे काम बंद झाले. त्यांची व त्यांच्या कुटुंबाची उपासमार सुरू झाली. त्यातच संचारबंदीमुळे एसटी बस बंद झाल्यामुळे त्यांचा घरी जाण्याचा मार्गही खुंटला मात्र, महाराष्ट्र तोलकाटा ग्रुपच्या पुढाकाने त्यांना दोन वेळचे जेवण व नाश्ता देण्यात येत आहे. सर्व ट्रान्सपोर्टच्या मदतीने त्यांना घरी पोहोचले जात आहे. आता पर्यंत 500 ते 600 मजुरांना मिळेल त्या वाहनाने त्यांच्या घरी पाठवण्यात येत असल्याचे काम सुरू आहे.