बहाळजवळ अपघात : मामा-भाचा जागीच ठार !

चाळीसगाव : अज्ञात वाहनाने दिलेल्या धडकेत तालुक्यातील भऊर येथील मामा-भाच्याचा मृत्यू झाला. बहाळ गावाजवळ हा अपघात झाला. या अपघातात आणखी एक तरुणही गंभीर जखमी झाला.

भऊर गावात पसरली शोककळा
तालुक्यातील भऊर येथील आकाश भिवसन मोरे (18), अनिल संजय गायकवाड (19) व विनोद विक्रम मोरे (19) हे तिघेही तरुण दुचाकी (एम.एच.19 डी.एच. 0135) ने रविवारी दुपारी चाळीसगाव येथे गेले होते. यानंतर ते तिघेही रविवारी सायंकाळी पाचच्या सुमारास भऊर गावाकडे निघाले असताना बहाळ गावापासून जवळच असलेल्या वळण रस्त्यावर अज्ञात वाहनाने त्यांच्या दुचाकीला जबर धडक दिली. या अपघातात आकाश मोरे व अनिल गायकवाड यांचा जागीच मृत्यू झाला तर विनोद मोरे हा तरुण गंभीर जखमी झाला असून रुग्णालयात त्याच्यावर उपचार सुरू आहेत. दरम्यान, अपघातातील मृत आकाश मोरे व अनिल गायकवाड मामा-भाचे होते. अपघातात या दोघांचा दुर्दैवी मृत्यू झाल्याने कुटुंबीयांनी मोठा आक्रोश केला.