बालिकेवर अत्याचार: तरुणाला अटक
पिंपरी : खराळवाडीमधील एका मंदिरात आठ वर्षाच्या मुलीवर अत्याचार झाल्याची घटना समोर आली आहे. ही घटना शनिवारी (दि. 9) भरदिवसा घडली असून संबधीत तरुणाला पोलिसांनी अटक केली आहे. मुलीच्या आईने पिंपरी पोलीस ठाण्यात फिर्याद दिली. त्यानुसार रोहन भांडेकर (वय 18, रा. पिंपरी) असे अटक करण्यात आलेल्या तरुणाचे नाव आहे.
पोलिसांनी दिलेल्या माहितीनुसार, पीडित मुलगी शनिवारी सकाळी अकराच्या सुमारास खराळवाडी येथील एका मंदिरात खेळण्यासाठी गेली होती. मुलगी खेळत असताना आरोपीने तिला मंदिरात नेऊन तिच्यावर लैंगिक अत्याचार केला. मुलीने हा प्रकार घरी जाऊन आईला सांगितला. त्यावरून आईने पिंपरी पोलीस ठाण्यात गुन्हा दाखल केला. दरम्यान, आरोपी फरार झाला होता. पिंपरी पोलिसांनी त्याचा शोध घेऊन अटक केली. त्याला मोरवाडी न्यायालयाने सोमवार (दि. 18) पर्यंत पोलीस कोठडीत ठेवण्याचे आदेश दिले आहेत. पिंपरी पोलीस तपास करीत आहेत.