‘बिगरहुंडा सामुदायिक विवाह सोहळ्या’त 31 जोडप्यांचे विवाह

तळेगाव दाभाडे : तळेगाव रोटरी क्लबच्या वतीने आयोजित करण्यात आलेल्या ‘बिगरहुंडा सामुदायिक विवाह सोहळ्या’त 31 जोडप्यांचे विवाह संपन्न झाले. या सोहळ्यातील वधू-वरांना शुभाशीर्वाद देण्यासाठी विविध राजकीय पक्षांचे वरिष्ठ पदाधिकारी आणि नागरिक मोठ्या संख्येने उपस्थित होते. तळेगाव रोटरी क्लबच्या वतीने गेल्या 20 वर्षांपासून बिगरहुंडा सामुदायिक विवाह सोहळ्याचे आयोजन करण्यात येत आहे. या वर्षीच्या सोहळ्यात 31 जोडपी सहभागी झाली होती. याप्रसंगी मावळ तालुक्याचे आमदार संजय (बाळा) भेगडे, रोटरी क्लबचे प्रांतपाल अभय गाडगीळ, रोटरी क्लबचे अध्यक्ष मंगेश गारोळे यांच्यासह पदाधिकारी उपस्थित होते.

विविध जिल्ह्यातून आले वधू-वर
या सामुदायिक विवाह सोहळ्यात पुणे जिल्ह्यातील मावळ, खेड, आंबेगाव, जुन्नर, हवेली, मुळशी तालुक्यांबरोबरच बीड, ठाणे, मुंबई तसेच सोलापूर जिल्ह्यांच्या विविध भागातून वधू-वर सहभागी झालेले होते. सोहळ्यात सहभागी झालेल्या वधू-वरांना पोशाख, बॅन्ड मिरवणूक, संसार उपयोगी भांडी, प्रत्येकी एक गॅस शेगडी कनेक्शन तसेच मोफत भोजन व्यवस्था तळेगाव रोटरी क्लबच्या वतीने आयोजित करण्यात आली होती.

यांची होती उपस्थिती
या कार्यक्रमास मावळ पंचायत समिती सभापती गुलाब म्हाळसकर, उपसभापती शांताराम कदम, माजी नगराध्यक्ष अ‍ॅड. रवींद्र दाभाडे, माजी सभापती ज्ञानेश्वर दळवी, काँग्रेस आयचे अध्यक्ष बाळासाहेब ढोरे, गणेश आप्पा ढोरे, गणेश भेगडे, प्रकाश ओसवाल, वैशाली दाभाडे, हेमलता खळदे, कल्पना गटे, शोभा भेगडे, मुकुंदराव भेगडे, शांताराम लष्करी, दत्ता पडवळ, संदीप पानसरे आदी उपस्थित होते.

हा सायुदायिक विवाह सोहळा यशस्वी करण्यासाठी रोटरी क्लबचे अध्यक्ष मंगेश गारोळे, महेश महाजन, सचिव बाळासाहेब चव्हाण, यादवेंद्र खळदे, विलास जाधव, विश्वनाथ मराठे, अशोक काळोखे, विजय काळोखे, संजय शहा, कैलास देसले, दीपक शहा, भालचंद्र लेले, अशोक पवार, श्रीराम ढोरे, उद्धव चितळे, सुधाकर शेळके, राजेंद्र पोळ, भावना चव्हाण, संगीता जाधव यांनी प्रयत्न केले. कार्यक्रमाचे सूत्रसंचालन अ‍ॅड. राजेंद्र पोळ व अनिल धर्माधिकारी यांनी केले.