बीडच्या अप्पर जिल्हाधिकाऱ्यांना पाच लाखांची लाच घेतांना अटक !

बीड – बीडचे अप्पर जिल्हाधिकारी बी.एम.कांबळे यांना व त्यांच्या कार्यालयातील लिपिक महादेव महाकुंडे यांना आज शनिवारी २ फेब्रुवारी रोजी पाच लाखांची लाच घेताना अटक करण्यात आली आहे. या कारवाईमुळे प्रशासनात एकच खळबळ उडाली आहे.

पुरवठा विभागातील चौकशीचा अहवाल सोयीस्कर देण्यासाठी अप्पर जिल्हाधिकारी बी. एम. कांबळे यांनी पाच लाखांची मागणी केली होती. लाचलुचपत प्रतिबंधक विभागाला याबाबत माहिती मिळली होती. कांबळे यांना पाच लाखांची लाच घेतांना त्यांच्या घरातूनच अटक करण्यात आली. या प्रकरणी पोलिसांनी अधिक तपास करण्यास सुरुवात केली आहे.