बीडमध्ये पत्नी, मुलीला विष पाजून तरुणाची आत्महत्या

बीड : भाऊबीजेच्या दिवशीच वाहन चालक म्हणून काम करणाऱ्या तरुणाने पत्नी आणि पाच वर्षांच्या मुलीला विष पाजून आत्महत्या केल्याची घटना घडली आहे. आत्महत्येपूर्वी लिहिलेल्या चिठ्ठीत त्या तरुणाने काही लोकांचा त्रास होत असल्याचा उल्लेख केला आहे.

संत नामदेव नगरात राहणारा योगेश शिंदे, पत्नी शीतल आणि मुलगी श्रावणीसह तिथे राहत होते. गुरुवारी मध्यरात्री किंवा शुक्रवारी पहाटे त्याने पत्नी व मुलीला विष पाजले. यानंतर घरातील झाडाला गळफास घेत आत्महत्या केली. हा प्रकार स्थानिकांना समजताच त्यांनी पोलिसांना घटनेची माहिती दिली. पोलीस आता चिठ्ठी आधारे पुढील तपास करत आहेत.