भरधाव कारने दुचाकीला उडवले : जळगावातील दोघे जखमी

जळगाव : भरधाव कारने दुचाकीला जोरदार धडक दिल्याने जळगावातील दुचाकीवर जखमी झाले. सोमवारी सकाळी हा अपघात घडला. याबाबत एमआयडीसी पोलिस ठाण्यात गुन्हा दाखल करण्यात आला.

अपघातात दोघे जखमी
मीतय्यब अरमान पटेल (29, रा.कुबा नगर, सुप्रीम कॉलनी, जळगाव) हा तरुण रीक्षा चालक असून सोमवार, 13 जून रोजी सकाळी 11 वाजेच्या सुमारास मितय्यब पटेल हा त्याचा मित्र मोहसीन सैय्यद यांच्यासोबत जळगाव शहरातील काम आटोपून दुचाकीने सुप्रीम कॉलनीकडे जात असतांना आरएल. चौफुलीजवळ समोरून भरधाव वेगाने येणार्‍या कार (एम.एच. 20 जी.एफ.9720) ने जोरदार धडक दिल्याने मीतय्यब पटेल आणि मोहसीन सैय्यद हे दोघे जखमी झाले. त्यांना तातडीने जिल्हा शासकीय वैद्यकीय महाविद्यालयात उपचारार्थ दाखल करण्यात आले आहे. या घटनेबाबत मीतय्यत पटेल यांच्या फिर्यादीवरून (एम.एच. 20 जी.एफ. 9720) क्रमांकाच्या कार चालकाविरोधात (नाव, गाव माहित नाही) गुन्हा दाखल करण्यात आला. पुढील तपास हवालदार विजय पाटील करीत आहे.