धूम स्टाईल चोर्या, आरोपींना पोलीस कोठडी
शहर पोलिसांनी केली अटक ; अनेक गुन्ह्यांची होणार उकल
भुसावळ : धूम स्टाईल येत महिलांच्या गळ्यातील मंगळसूत्रासह हातातील पर्स लांबवण्याच्या दोन घटना आठवडाभरात शहर पोलीस ठाण्याच्या हद्दीत घडल्या होत्या. या गुन्ह्यातील आरोपींच्या शहर पोलिसांनी मुसक्या आवळल्या असून न्यायालयाने आरोपींना तीन दिवसांची पोलीस कोठडी सुनावली. विजय राजू मट्टू (25, न्यू पोर्टर चाळ, भुसावळ) व पॉल विल्सन बर्नाड (22, समता नगर, भुसावळ) अशी अटकेतील आरोपींची नावे आहेत.
यांनी केली कारवाई
पोलीस उपअधीक्षक लतीफ तडवी व शहर पोलीस ठाण्याचे प्रभारी पोलीस निरीक्षक दीपक गंधाले यांच्या मार्गदर्शनाखाली उपनिरीक्षक विशाल पाटील, एएसआय फारूक शेख, एएसआय प्रकाश निकम, नाईक कमलाकर बागुल, विनोद वितकर, विनोद तडवी, समाधान पाटील, वसंत लिंगायत आदींनी आरोपींच्या मुसक्या आवळल्या.