भुसावळातील पसार आरोपीला सहा महिन्यानंतर अटक

भुसावळ- भुसावळ बाजारपेठ पोलीस ठाण्यात 9 मार्च रोजी दाखल असलेल्या हाणामारीच्या गुन्ह्यात पसार असलेल्या इराणी आरोपीस अटक करण्यात आली. उपअधीक्षक गजानन राठोड यांच्या मार्गदर्शना खाली बाजारपेठ पोलीस ठाण्याचे पोलीस निरीक्षक चंद्रकांत सरोदे, पोलीस उपनिरीक्षक मनोज ठाकरे व गुन्हे पथकातील पोलीस हवालदार सुनील जोशी, विकास सातदिवे यांनी शहरातील रजा टॉवर चौकात सापळा रचुन सहा महिन्यांपासून पसार असलेला आरोपी सादिक उर्फ अय्या नियाजअली इराणी (वय 20, रा. पापानगर, इराणी मोहल्ला) भुसावळ यास अटक करण्यात आली. गुन्ह्याचा तपास हवालदार इरफान काझी करीत आहे.