भुसावळात तलवार बाळगली ; एकास अटक

एकाच दिवसात दोन तलवार जप्त ; बाजारपेठ पोलिसांची कारवाई

भुसावळ- शहरातील मच्छी मार्केट परीसरातील सात नंबर पोलीस चौकीजवळ तलवारीच्या धाकावर दहशत निर्माण करणार्‍या शेख मोहसीन उर्फ (बिलू) शेख हासीफ (25, रा.मटण मार्केटजवळ नसरवांजी फाईल, भुसावळ) यास अटक करण्यात आली. बुधवारी रात्री उशिरा ही कारवाई करण्यात आली. याच दिवशी दुपारी गजनी रफिक खान (20, जाम मोहल्ला, भुसावळ) यासही अटक करण्यात आली होती.

यांनी केली कारवाई
सहाय्यक पोलीस अधीक्षक नीलोत्पल यांच्या मार्गदर्शनाखाली अवैधशस्त्र जप्त पथकातील उपनिरीक्षक युवराज अहिरे, सुनील सैंदाणे, सुनील थोरात, कृष्णा देशमुख, निलेश बाविस्कर, दीपक जाधव, उमाकांत पाटील आदींच्या पथकाने ही कारवाई केली. दरम्यान, आरोपीच्या ताब्यान एक हजार 500 रुपये किंमतीची दोन फूट आठ इंच लांबीची तलवार जप्त करण्यात आली. तपास पोलीस नाईक साहील तडवी करीत आहेत.