भुसावळात मजुराची गळफास घेऊन आत्महत्या

भुसावळ:- शहरातील गौतम नगरात 40 वर्षीय मजुराने गळफास घेऊन आत्महत्या केल्याची घटना रविवारी दुपारी अडीच वाजता उघडकीस आली. कैलास पुंडलिक नरवाडे (40, रा.गौतम नगर, भुसावळ) असे मयताचे नाव आहे.

रविवारी दुपारी अडीच वाजता घरात कुणी नसताना त्यांनी घराच्या छताला साडीने गळफास घेतला. याबाबत बाजारपेठ पोलिसात विजय पुंडलिक नरवाडे (गौतम नगर, भुसावळ) यांनी खबर दिल्यावरून अकस्मात मृत्यूची नोंद करण्यात आली. त्यांच्या पश्‍चात पत्नी, दोन मुली मजुरी असा परीवार आहे. बाजारपेठचे एएसआय पी.पी.पाचपोळ यांनी घटनास्थळी पंचनामा केला. दरम्यान वरणगाव ग्रामीण रुग्णालयात मृतदेह रवाना करण्यात आला असून आत्महत्येचे कारण कळू शकले नाही.