भूमिगत पाण्याची टाकी बांधण्यास मंजुरी

मुंबई । कुर्ला एल विभाग येथील सुंदरबागेतील डोंगराळ भागात गेल्या अनेक वर्षांपासून पाण्याची भीषण समस्या आहे. हि समस्या सोडवण्यासाठी फिनिक्स मॉल शेजारील महापालिकेच्या उद्यानात पाण्याची भूमिगत टाकी बांधण्यात येणार आहे. एल विभाग प्रभाग समितीचे अध्यक्ष व नगरसेवक दिलीप लांडे यांनी अतिरिक्त आयुक्त संजय मुखर्जी त्यांच्याकडे केली होती. हि मागणी मंजूर करण्यात आली आहे. लांडे यांनी कुर्ला विभागातील विविध समस्यांबाबत आज संजय मुखर्जी यांची भेट घेऊन सत्यनगर ते काळे मार्गपर्यंत पर्जन्य जल वाहिन्या व गटारे बनवावीत, डॉ. बाबासाहेब आंबेडकर मैदान ते उमा माहेश्वरी मार्गपर्यंत मलनिस्सारण वाहिनी टाकावी. हा पाणीपुरवठा पूर्ववत करावा अशी मागणी लांडे यांनी एका निवेदनाद्वारे केली.