मटका अड्डा चालविणारा गजाआड

पुणे – वाकड, भूमकर चौकातील मटका अड्ड्यावर हिंजवडी पोलिसांनी छापा टाकला. तसेच अड्डा चालविणा-यास अटक केली. ही कारवाई शुक्रवारी सायंकाळी पाच वाजता करण्यात आली. हनुमंत रामप्पा साथीहळ (वय 39, रा. देवकरवस्ती, वाकड) याला अटक केली असून याप्रकरणी पोलीस कर्मचारी विजय बजत्री (32) यांनी फिर्याद दिली आहे. भूमकर चौकात मटका अड्डा सुरू असल्याची माहिती पोलिसांना मिळाली. त्यानुसार हिंजवडी पोलिसांनी छापा टाकला असता हनुमंत हा कागदावर आकडे घेताना आढळून आला. तसेच त्याच्याकडे मटका घेण्यासाठी लागणारे साहित्य आढळून आले. पोलिसांनी 1180 रुपये जप्त केले आहेत. हिंजवडी पोलीस तपास करत आहेत.