मध्यप्रदेशातील अल्पवयीन तरुणीस फुस लावून पळवले ; दोघांविरुद्ध गुन्हा

भुसावळ- मध्यप्रदेशातील झिरण्या येथून रोजगारानिमित्त वरणगावात आलेल्या पावरा समाजातील कुटुंबातील अल्पवयीन तरुणीस नात्यातील चुलत भावासह अन्य एका संशयीत आरोपीने पळवून नेल्याची घटना 10 नोव्हेंबर रोजी घडली. या प्रकरणी वरणगाव पोलिसात दोघांविरुद्ध गुन्हा दाखल करण्यात आला. या प्रकरणी तरुणीच्या पित्याने दिलेल्या फिर्यादीवरून मध्यप्रदेशातील आरोपी प्यारसिंग रेनसिंग ससुदे व रणजित सुभान आखाडे यांच्याविरुद्ध गुन्हा दाखल करण्यात आला. तपास उपनिरीक्षक निलेश वाघ करीत आहेत.