मनसेतील फुटीर नगरसेवकांनी ‘स्थायी’ची बक्षिसी
मुंबई । मुंबई पालिकेतील शिवसेनेच्या दोन ज्येष्ठ नगरसेवकांना स्थायी समितीच्या सदस्यत्वाचे राजीनामे देण्याचे आदेश पक्षाने दिले आहेत. सायन कोळीवाड्यातून निवडून आलेले मंगेश सातमकर आणि तर वरळीतून निवडून येणारे आणि सलग चारवेळा नगरसेवकपद भूषवणारे आशिष चेंबूरकर यांचा त्यात समावेश आहे.या दोन्ही पदाधिकार्‍यांच्या जागी मनसेतून शिवसेनेत दाखल झालेल्यांना स्थान मिळण्याची शक्यता आहे. याआधीच मनसेतून आलेल्यांना पक्षात प्राधान्य दिल्याने शिवसेनेत धुसफूस वाढली होती
नाराज शिवसैनिकांनी बॅनरबाजी केेली
काही दिवसांपूर्वीच शिवसेनेतील नव्या नियुक्त्यांवरुन बरीच नाराजी पाहायला मिळाली होती. राज ठाकरेंच्या कार्यकर्त्यांना शिवसेनेत घेण्यापेक्षा राज ठाकरेंनाच शिवसेनेत का घेत नाही? असा थेट सवाल नाराज शिवसैनिकांनी पोस्टरच्या माध्यमातून विचारला होता. ईशान्य मुंबईची ’नवनिर्माण शिवसेना’ असे नाव देत नाराज शिवसैनिकांनी घाटकोपरमध्ये बॅनरबाजी केली होती.
शिवसैनिकांकडून तीव्र भावना व्यक्त
1ईशान्य मुंबई विभाग प्रमुख राजेंद्र राऊत यांच्या धोरणानुसार ईशान्य मुंबई विभाग क्र.8 च्या नवनियुक्त पदाधिकार्‍यांची उपविभाग प्रमुख, विधानसभा संघटक, सहसंघटक व शाखाप्रमुख यांची यादी नुकतीच जाहीर झाली.
2त्याचवेळी लक्षात आले की, यातील नियुक्त्या करण्यात आलेले बरेच जण अनेक पक्ष फिरुन संघटनेच्या विरोधात निवडणूक लढवून किंवा विरोधात काम करणार्‍यांना विभागप्रमुखांनी संघटनेची सन्मानाची पदे बहाल केली आहेत. याचा अर्थ असा होतो की, सध्या शिवसेनेत या पदांच्या लायकीचा निष्ठावंत शिवसैनिक या पदाच्या लायकीचे नाही. त्यामुळे राज ठाकरेंच्या पाठीत खंजीर खुपसून आलेल्या लोकांना महत्त्वाचे पदे बहाल करण्यात आली. त्याऐवजी राज ठाकरेंनाच शिवसेनेत का घेत नाही?