मराठा आरक्षणासाठी सुप्रीम कोर्टाची पायरी चढलो

खासदार संभाजीराजे भोसले ; रावेर शहरात गुणवंत विद्यार्थ्यांचा गौरव

रावेर- महाराष्ट्रातील शैक्षणिक मागासलेल्या मराठा समाजाचे आरक्षण टिकावे म्हणून आयुष्यात पहियांदाच सुप्रीम कोर्टाची पायरी चढलो आणि मराठा समाजाची बाजू कोर्टात ठासून मांडली. यापूर्वी शाहु महाराजांनी 1902 मध्ये बहुजन समाजास आरक्षण दिले होते. यामध्ये शैक्षणिक मागासलेल्या सर्व जाती होत्या तरीसुध्दा मराठा समाजाच्या आरक्षणाला काही लोक सुप्रीम कोर्टात विरोध करत आहे. ही लढाई आपण न्याय हक्काने जिंकू, असे आश्वासन छत्रपती खासदार संभाजीराजे भोसले यांनी येथे समस्त मराठा समाजाला दिले. मराठा समाज विकास मंडळातर्फे शुक्रवारी गुणवंत विद्यार्थ्यांचा गौरव तसेच देणगीदारांचा सत्कार झाला. प्रसंगी संभाजीराजे प्रमुख अअतिथी म्हणून बोलत होते.

मराठा समाज एकवटल्यानेच आरक्षण
खासदार संभाजीराजे भोसले म्हणाले की, सर्व प्रथम मराठा समाजाला आरक्षण मिळावे म्हणून 2007 पासून मी जनजागृती करत आहे त्या नंतर राज्यात 58 मोर्चे निघाले. मराठा समाज एकवटला आणि सरकारला आरक्षण देण्यास भाग पडले त्यामुळे आयुष्यात कधीही खचून जाऊ नका, पुढे चालत रहा यश तुमच्या पायाशी येईल, असे आवाहनही त्यांनी विद्यार्थ्यांना केले. यावेळी कोल्हापुर येथील पुरग्रस्त भागासाठी राजेंद्र चौधरी यांच्यातर्फे 21 हजाराची मदत छत्रपती संभाजीराजे यांच्याकडे देण्यात आले.

यांची कार्यक्रमास प्रमुख उपस्थिती
माजी आमदार अरुण पाटील, उद्योजक श्रीराम पाटील, सुहास महाजन, राष्ट्रवादी किसान सभेचे जिल्हाध्यक्ष सोपान पाटील, गोपाळ दर्जी, जि.प.सदस्या रंजना पाटील, पी.टी.चौधरी, प्रकल्पाधिकारी विनीता सोनवणे, नगराध्यक्षा शोभा लांडे, राजेंद्र चौधरी, डी.सी.पाटील यांच्यासह अनेक मान्यवर व्यासपीठावर मोठ्या संख्येने उपस्थित होते.

कार्यक्रम यशस्वीसाठी यांनी घेतले परीश्रम
यावेळी मराठा सामाजाचे सुनील कोंडे, विलास ताठे, नीळकंठ चौधरी, योगेश महाजन, प्रशांत पाटील, घन:श्याम पाटील, प्रभाकर पाटील, सचिन पाटील, विनोद पाटील, प्रभाकर पाटील, पंचायत समिती सदस्य योगेश पाटील, दीपक पाटील, व्ही.पी.महाजन, संतोष महाजन, गोपाळ महाजन, यादवराव पाटील, युवराज महाजन यांनी कार्यक्रम यशस्वीतेसाठी परीश्रम घेतले. कार्यक्रमाचे सूत्रसंचलन आर.बी.महाजन व शेखर पाटील यांनी केले.