महापालिकेमुळे 18 विद्यार्थी झाले अधिकारी

होतकरू विद्यार्थ्यांसाठी विविध ठिकाणी स्पर्धा परीक्षा केंद्रे

आरटीओ, पोलीस, सेल्स टॅक्स, प्रशासन विभागात झाल्या निवडी
पिंपरी-चिंचवड : महापालिकेने शहरातील होतकरु विद्यार्थ्यांसाठी विविध ठिकाणी स्पर्धा परीक्षा केंद्रांची सोय केली आहे. आता या केंद्राच्या माध्यमातून तब्बल 18 विद्यार्थी उपप्रादेशिक परिवहन अधिकारी, पोलीस उपनिरीक्षक, विक्रीकर अधिकारी, मुख्य कार्यकारी अधिकारी या पदाच्या परीक्षा उत्तीर्ण झाले आहेत. या विद्यार्थ्यांच्या यशामुळे महापालिकेचा लौकिक वाढला आहे, असे गौरवोद्गार महापौर नितीन काळजे यांनी काढले.

महापौरांच्या हस्ते सत्कार
महापालिकेतील महापौर दालनात या विद्यार्थ्यांच्या सत्कार करण्यात आला. यामध्ये वैभव सूर्यवंशी, रंजीत मगर, मनोज शिंदे, समाधान महानवर, सागर पानसरे, विनय माने, किरण मुंडे, वसंत ठाकरे, ममता वर, प्रविण साने, पायल परदेशी, सोनाली मोरे, सागर देवकर, लक्ष्मण मोगले, अंकिता पवार, श्रीराम पवार यांचा समावेश आहे. महापौरांच्या हस्ते त्यांचा सत्कार करण्यात आला.

‘आएएस’ होण्यासाठी शुभेच्छा
सत्तारुढ पक्षनेते एकनाथ पवार म्हणाले, आपण केवळ एमपीएससी या परिक्षेत उत्तीर्ण झाल्याचे समाधान न मानता यापुढे युपीएससी परिक्षेकडे वाटचाल करुन मोठया पदावर काम करावे, याकरिता प्रत्येक विद्यार्थ्याने अपार कष्ट घेवून आयएएस अधिकारी होण्याचे स्वप्न पुर्ण करावे, असे त्यांनी सांगितले. सूत्रसंचालन भाग्यश्री देशमुख यांनी केले. तर नगरसदस्य सुरेश भोईर यांनी आभार मानले.

यांची होती उपस्थिती
यावेळी उपमहापौर शैलजा मोरे, पक्षनेता एकनाथ पवार, विरोधी पक्षनेता दत्तात्रय साने, ग प्रभाग अध्यक्ष बाबासाहेब त्रिभुवन, ह प्रभाग अध्यक्ष अंबरनाथ कांबळे, नगरसदस्य सुरेश भोईर, राजू मिसाळ, श्याम लांडे, नगरसदस्या अश्‍विनी चिंचवडे, संगिता ताम्हाणे आदी उपस्थित होते.