माजी आमदार राजहंस सिंह यांचा भाजपमध्ये प्रवेश

मुंबई । काँग्रेसचे माजी आमदार आणि मुंबई महापालिकेतील माजी विरोधी पक्षनेते राजहंस सिंह यांनी आज भाजपमध्ये प्रवेश केला. मुख्यमंत्री देवेंद्र फडणवीस यांच्या उपस्थितीत राजहंस सिंह यांना भाजपमध्ये प्रवेश देण्यात आला. उत्तर भारतीय मतदारांवर राजहंस सिंह यांची चांगली पकड असल्याने त्यांचे भाजपमध्ये जाणे हा काँग्रेससाठी हा फार मोठा धक्का असल्याचे मानले जात आहे. त्यामुळे ते नाराज होते. त्यातच वरिष्ठ नेत्यांचाच एकमेकांशी ताळमेळ नसल्याने पक्षात संघटनात्मक बांधणी होत नव्हती. तसेच आंदोलन आणि चळवळीही होत नसल्याने पक्षात एकप्रकारे मरगळ आली होती. त्यामुळे नाराज झालेल्या राजहंस सिंह यांनी आज मंत्रालयात जाऊन मुख्यमंत्री देवेंद्र फडणवीस आणि भाजपचे मुंबई अध्यक्ष आशिष शेलार यांच्या उपस्थितीत भाजपमध्ये प्रवेश केला.