माजी राज्यमंत्री किंमतकर कालवश

नागपूर । काही दिवसांपासून आजारी असलेले माजी राज्यमंत्री मामा किंमतकर यांचे नागपुरात वयाच्या 85 व्या वर्षी निधन झाले. 1994 साली राज्यपालांच्या निर्देशाने महाराष्ट्रात तीन वैधानिक विकास महामंडळे स्थापन करण्यात आली. तेव्हापासून आतापर्यंत किंमतकर हे तज्ञ सदस्य म्हणून कार्यरत होते. बॅकलॉग म्हणजे नक्की काय, विदर्भाचा अनुशेष हा किती आणि कसा आहे, ह्याचे सर्वात अभ्यासू व्यक्तिमत्व म्हणजेच मामा किंमतकर होते.

मामा किंमतकर यांचा जन्म 1932 साली रामटेक येथे झाला. 1952 साली त्यांनी बीएपर्यंतचं शिक्षण पूर्ण केले. 1952 साली रामटेक येथे राष्ट्रवादी विचारांची शाळा सुरु केली, स्वतः शिक्षक म्हणून 3 वर्ष कार्यरत होते. 1955 साली मॉडेल मिल कामगारांसाठी लढा देत ट्रेंड युनियन आंदोलनात आघाडी घेतली होती.