मुंबई- पुणे एक्स्प्रेस-वे आज दुपारी १२ ते २ बंद !

मुंबई- पुणे एक्स्प्रेस वे आज शुक्रवारी देखभाल- दुरुस्तीच्या कामासाठी दुपारी १२ ते २ वाजेपर्यंत बंद ठेवण्यात येणार आहे. मुंबईहून पुण्याकडे येणारी मार्गिका दोन तास बंद ठेवण्यात येणार आहे. महामार्गावरील वाहतूक शेडुंग फाटा येथून पुणे-मुंबई राष्ट्रीय महामार्गावर वळवण्यात येणार आहे.

मुंबई- पुणे एक्स्प्रेस वेवर राज्य रस्ते विकास महामंडळातर्फे टोलनाक्यापासून काही अंतरावर ओव्हरहेड गॅन्ट्रीज टाकण्यात येणार आहे. शुक्रवारी खालापूर टोल नाक्यापासून काही अंतरावर गॅन्ट्रीज टाकण्यात येणार आहे. या कामासाठी मुंबईहून पुण्याकडे येणारा मार्ग दुपारी १२ ते २ या वेळेत बंद ठेवण्यात येणार आहे. या कालावधीत पर्यायी मार्गाची आखणी करण्यात आली असून, वाहनधारकांनी त्याचा वापर करावा, असे आवाहन वाहतूक पोलिसांकडून करण्यात आले आहे.