मुंबई शहर व उपनगरात केरोसिनच्या दरात वाढ

मुंबई – मुंबई शहर व उपनगर जिल्ह्यासाठी सार्वजनिक वितरण व्यवस्थेअंतर्गत उद्या म्हणजेच 16 जूनपासून केरोसिनच्या किरकोळ विक्री दरात २६ पैशांची वाढ करण्यात आली आहे. त्यामुळे केरोसीनचा दर 20.17 रूपयांवरून 20.43 रूपये प्रती लीटर झाला आहे.

केरोसिनचा सध्याचा एक्स डेपो दर 17 हजार 784 रूपये प्रति किलो लिटर वरून 18 हजार 34 रूपये  प्रति किलो लिटर असा करण्यात आला आहे. शासनाने केरोसिनच्या वाहतुकीसाठी येणाऱ्या केवळ डिझेलवरील खर्चात झालेली वाढ मंजूर करण्याचा निर्णय घेतला आहे. केंद्र शासनाने 31 मार्च रोजी कळविल्यानुसार 1 एप्रिलपासून 31 जुलैपर्यंत प्रत्येक पंधरवाड्यानंतर केरोसिनच्या एक्स डेपो दरात प्रति लिटर 25 पैसे याप्रमाणे प्रति किलो लिटर 250 रूपये(अधिक मुल्यवर्धित कर) इतकी वाढ करून अनुदानित केरोसीनचा किरकोळ विक्री दर निश्चित करण्यात आला आहे, असे नियंत्रक शिधावाटप व संचालक नागरी पुरवठा यांनी कळविले आहे.