मुक्ताईनगर तालुक्यात खासदार रक्षा खडसे यांच्या प्रचाराचा झंझावात

मतदारांकडून उत्स्फूर्त प्रतिसाद ; रक्षाताईंना विजयासाठी मतदारांच्या शुभेच्छा

मुक्ताईनगर- भाजप, शिवसेना, आरपीआय (आठवले गट), रासप, शिवसंग्राम, रयत क्रांती सेना या महायुतीच्या उमेदवार रक्षा निखील खडसे यांच्या प्रचार दौर्‍याला मुक्ताईनगर तालुक्यातील अंतुर्ली, बेलसवाडी, पातोंडी या गावात उत्स्फूर्त प्रतिसाद लाभला. खासदार खडसे यांनाच प्रचंड मताधिक्याने विजयी करण्याचा मनोदय प्रसंगी मतदारांनी बोलून दाखवला.

तालुक्यात आणले अनेक प्रकल्प -रक्षा खडसे
मुक्ताईनगर येथे शेतकर्‍यांना अधिक उत्पादन मिळावे यासाठी शेतीविषयक अभ्यासक्रमासाठी कृषी महाविद्यालय, अल्पसंख्यांक विद्यार्थ्यांना उच्च शिक्षण मिळावे यासाठी अल्पसंख्यांक शासकीय तंत्रनिकेतन, बर्‍हाणपूर ते औरंगाबाद हायवे असे अनेक प्रकल्प तालुक्याच्या विकासासाठी माजी महसूलमंत्री एकनाथराव खडसे यांच्या मार्गदर्शनाखाली आणण्यात आले, असे प्रतिपादन रक्षा खडसे यांनी यावेळी केले.

यांची होती उपस्थिती
याप्रसंगी रावेर लोकसभा संयोजक व जिल्हा परीषद उपाध्यक्ष नंदकिशोर महाजन, जि.प.चे माजी अध्यक्ष अशोक कांडेलकर, रासप जिल्हाध्यक्ष रवींद्र पवार, तालुकाध्यक्ष दशरथ कांडेलकर, पंचायत समिती सभापती शुभांगी भोलाणे, जि.प.सदस्य वैशाली तायडे, जि.प.सदस्य निलेश पाटील, विधानसभा क्षेत्र प्रमुख रमेश ढोले, बोदवड कृउबा समिती सभापती निवृत्ती पाटील, विधानसभा विस्तारक विलास तायडे, माजी सभापती राजू माळी, तालुका सरचिटणीस संदीप देशमुख, पंचायत समिती सदस्य विकास पाटील, पंचायत समिती सदस्य सुवर्णा साळुंखे, अंतुर्ली सरपंच विलास पांडे, ताहेर खान, सुनील पाटील, मोहन महाजन, जगदीश महाजन, बेलसवाडी सरपंच शकील खान, विनायक पाटील, विनोद पाटील, कैलास पाटील, पातोंडी सरपंच विकास पाटील, भाजयुमो विधानसभा क्षेत्र प्रमुख दत्ता पाटील, भाजयुमो तालुकाध्यक्ष अंकुश चौधरी भाजयुमो, महायुतीचे सन्माननीय पदाधिकारी, कार्यकर्ते उपथित होते