मुक्ताईनगर नगरपंचायत निवडणूक : दुपारी साडेतीन वाजेपर्यंत 53 टक्के मतदान

मुक्ताईनगर : मुक्ताईनगर नगरपंचायतीच्या पहिल्याच निवडणुकीसाठी रविवारी दुपारी साडेतीन वाजेपर्यंत 53 टक्के मतदान झाले. सकाळपासून मतदारांच्या मतदान केंद्रावर रांगा नसल्या तरी दुपारनंतर हळूहळू मतदार बाहेर पडताना दिसून आले. लोकनियुक्त नगराध्यक्षपदासाठी तिरंगी तर नगरसेवकपदाच्या 17 जागांसाठी 73 उमेदवार रिंगणात आहेत. एकनाथराव खडसे यांचा हा मतदार संघ असल्याने जिल्ह्याचे लक्ष या निवडणुकीकडे लागून आहे. या निवडणुकीत भाजपाच्या विरोधात शिवसेना- राष्ट्रवादी अशी आघाडी आहे. एकूण 23 हजार 726 मतदार मतदानाचा हक्क बजावत आहेत.