म्हाडातील आमदारांच्या कोट्यात निम्याने घट; बैठकीत निर्णय

मुंबई: म्हाडाने आमदारांच्या कोट्यात निम्म्याने घट करण्याचा निर्णय घेतला आहे. म्हाडाच्या लॉटरीत सध्या आमदारांचा कोटा २ टक्के इतका आहे. तो आता १ टक्क्यांवर आणण्यात आला आहे. आमदारांच्या बदल्यात खेळाडू आणि अनाथांना घर देण्यात येणार आहे. यापुढे म्हाडाच्या लॉटरीत आमदारांसाठी फक्त १ टक्का कोटा असेल. म्हाडाच्या बैठकीत हा महत्वपूर्ण निर्णय घेण्यात आला आहे.

म्हाडाच्या लॉटरीत आमदार, खासदार, पत्रकार, माजी सैनिक, अनुसूचित जाती, जमाती, अपंग यांना स्वतंत्र कोटा असतो. यापैकी आमदारांच्या कोट्याबद्दल अनेकदा सर्वसामान्यांकडून नाराजी व्यक्त केली जाते.