यावल येथे पटेल इंग्लिश मिडीअम स्कुनच्या वतीने बालगोपाल विद्यार्थ्यांनी साजरी केली श्रीकृष्ण जन्माष्टमी व दहींहाडी कार्यक्रम संपन्न

यावल ( प्रतिनिधी ) येथील सरदार वल्लभभाई पटेल इंग्लिश मिडियम स्कूल मध्ये दहीहंडीचा कार्यक्रम उत्साहाच्या वातावरणात साजरा करण्यात आला . या निमित्ताने शाळेतील विद्यार्थ्यांच्या सहभागाने उत्कृष्ठअसे सांस्कृतिक कार्यक्रमाचे आयोजन करण्यात आले . कार्यक्रमास प्रमुख अतिथी म्हणून ईश्वर कोळी ( तलाठी यावल ) स्कुलचे संस्था अध्यक्ष राजेंद्र महाजन , शशिकांत फेगडे यांना आमंत्रित करण्यात आले. सर्वात प्रथम प्रमुख मान्यवरांच्या हस्ते प्रतिमा पूजन करून पुष्पहार अर्पण करण्यात आला व दीप प्रज्ज्वलन करून कार्यक्रमास सुरुवात करण्यात आली . तद्नंतर शाळेच्या मुख्याध्यापिका सौ. शिला तायडे यांच्या हस्ते प्रमुख मान्यवरांना गुलाबपुष्प देऊन स्वागत सत्कार करण्यात आले . कार्यक्रमात भगवान श्रीकृष्णाच्या जन्माचा अत्यंत सुंदर देखावा सादर करण्यात आला,शाळेतील सर्वच विद्यार्थ्यांनी राधा कृष्णाच्या वेशभूषा साकार करून तसेच सांस्कृतिक व पारंपारिक नृत्य सादर करुन उपस्थित मान्यवर, शिक्षक व पालकांची मने जिंकली . या कार्यक्रमातशेवटी दहीहंडीचा कार्यक्रम साजरा करण्यात आला संस्था अध्यक्ष राजेंद्र महाजन यांच्या मार्गदर्शनानुसार आजचा कार्यक्रम अत्यंत उत्साहात व जल्लोषात साजरा करण्यात आला . संपुर्ण कार्यक्रमाचे सुन्दर असे सूत्रसंचालन स्कुलच्या शिक्षिका सौ.टिना निंबाळे यांनी केले व सौ . कुंदा नारखेडे यांनी सर्वांना दहीहंडीचे महत्त्व सांगून आभार व्यक्त केले. प्रशांत फेगडे यांच्यासह सर्व शिक्षकांचे व कर्मचारी वर्गाचे या कार्यक्रमास उत्तम सहकार्य लाभले . गोपाळकाला कार्यक्रम निमित्तचा दहीहंडीचा कार्यक्रम अत्यंत उत्साहात व जल्लोषात पार पडला .