‘या’ तारखे दरम्यान होणार विधानसभा निवडणूक; चंद्रकांत पाटीलांनी वर्तविले भाकीत

पिंपरी: राज्यात येत्या सप्टेंबरमध्ये विधानसभा निवडणुकीची आचारसंहिता लागेल आणि ऑक्टोबरमध्ये निवडणुका होतील, असे भाकीत महसूल मंत्री चंद्रकांत पाटील यांनी वर्तवले आहे. पत्रकारांशी संवाद साधताना त्यांनी राज्यातील विधानसभा निवडणुकीबाबत अंदाज वर्तविले आहे.

राज्यात येत्या १५ सप्टेंबरपासून आचारसंहिता लागू होईल. तसेच १५ ते २० ऑक्टोबर दरम्यान निवडणुका होतील, असे चंद्रकांत पाटील म्हणाले. यावेळी त्यांनी राष्ट्रवादी काँग्रेसवर शेरेबाजीही केली. २०१९च्या विधानसभा निवडणुकीत राष्ट्रवादीचे नेते अजित पवार यांना पराभूत करणे हे माझे लक्ष आहे. मात्र वास्तवात ते शक्य नाही. तो केवळ आशावाद असू शकतो, असे त्यांनी स्पष्ट केले.

मी जमिनीवर पाय असणारा राजकारणी आहे. त्यामुळे कोणतही विधान गंभीरपूर्वक करतो. येत्या विधानसभेत अजित पवारांना पराभूत करणार असं मी म्हटलं तर तुम्हाल हसू येईल, पण बारामती विधानसभा जिंकण्यासाठी प्रयत्नशील राहू, असे सांगतानाच २०२४च्या लोकसभा निवडणुकीत बारामतीतून ब्रँडेड कमळावरचा खासदार निवडून यावा हे आपलं टार्गेट असल्याचंही त्यांनी स्पष्ट केले.