राजदंड पळविण्याचा प्रयत्न होऊनही कारवाई नाही!

नाणार प्रकल्पाबाबत उदयोगमंत्री सुभाष देसाई यांनी नोटिफिकेशन रद्द करण्याची घोषणा कोकणवासीयांसमोर केली. मुख्यमंत्र्यांनी ती त्यांची वैयक्तिक भूमिका होती असे म्हटले. कॅबिनेट मंत्र्यांची भूमिका वैयक्तिक कशी असू शकते. राज्य सरकार रुल ऑफ डुईंग बिझनेसनुसार चालणार आहे की नाही ? असा सवाल तटकरे यांनी केला. कोकणातील वातावरणाला छेद देणारा हा नाणार प्रकल्प आहे. मागे मुख्यमंत्र्यांनी एक बाब स्पष्ट केली की, नाणारविषयी सुभाष देसाईंचा अभ्यास झाला आहे पण सरकारचा झाला नाही ही सरकारमधील विसंगती आहे असेही तटकरे म्हणाले. कोकणवासीयांच्या मनात संभ्रम निर्माण झाला आहे. हे सरकार टेकू असलेले सरकार आहे त्यामुळेच हे घडत आहे. त्यामुळे या विषयावर सविस्तर चर्चा व्हायला हवी अशी मागणी त्यांनी लावून धरली.