राज्यात तात्पुरते भारनियमन

मुंबई । वीज निर्मिती केंद्रांना कोळशाच्या उपलब्धतेत व पुरवठ्यात अडचणी येत असल्यामुळे राज्यात तात्पुरते भारनियमन करण्यात येत आहे. या काळात ग्राहकांनी सहकार्य करावे असे आवाहन महावितरणने केले आहे. वीज निर्मिती कंपन्यांसोबत झालेल्या करारानुसार महावितरणला महानिर्मिती कंपनीकडून सुमारे 7000 मे.वॉ. व मे. अदानीकडून 3085 मे.वॅ. वीज मिळणे अपेक्षित आहे. मात्र कोळशाची उपलब्धता व पुरवठ्यात आलेल्या अडचणींमुळे महानिर्मितीकडून सुमारे 4500 मे.वॅ. व मे. अदानी कंपनीकडून 1700 ते 2000 मे.वॅ. इतकीच वीज मिळत आहे. मे. एम्को व सिपतकडूनही 200 मे.वॅ. व 760 मे.वॅ. मिळण्याऐवजी अनुक्रमे 100 व 560 मे.वॅ. इतकीच वीज मिळत आहे.

बाजारातून वीज खरेदी
विजेची उपलब्धता वाढविण्यासाठी प्रयत्न असून खुल्या बाजारातून 395 मे.वॅ. वीज खरेदी केली आहे. ती वीज एक ते दोन दिवसांत जाळ्यात उपलब्ध होईल. तसेच पॉवर एक्सचेंजमधूनही वीज खरेदीसाठीचे प्रयत्न सुरू आहेत. परंतु या ठिकाणीही वीज उपलब्ध नसून ती वीज महागडी आहे. गरजेनुसार आपत्कालीन व तात्पुरत्या स्वरुपाचे भारनियमन
नाईलाजास्तव करावे लागत आहे.