राम मंदिर नक्कीच बनेल कारण सर्वोच्च न्यायालय आमचं आहे – आमदार बिहारी
लखनऊ : उत्तर प्रदेशमधील भाजपचे आमदार मुकुट बिहारी वर्मा यांनी सर्वोच्च न्यायालय आणि राम मंदिराबाबत एक मोठं विधान केलं असून राम मंदिर नक्कीच बनेल, कारण सर्वोच्च न्यायालय आमचं आहे, असं वर्मा यांनी म्हंटल आहे. या विधानामुळे पुन्हा एकदा राम मंदिराचा मुद्दा चर्चेत आला आहे.
BJP has come to power on the issue of development but Ram Mandir will be constructed as it is our determination The matter is in Supreme Court and the SC is ours. The judiciary, administration, the nation as well as the Ram Temple belong to us: Mukut Bihari Verma, BJP MLA pic.twitter.com/jzrNpvreNd
— ANI UP (@ANINewsUP) September 8, 2018
वृत्तानुसार, ‘भाजपाने विकासाच्या मुद्द्यावर निवडणूक जिंकली आहे, पण राम मंदिर नक्कीच बनेल कारण आम्ही राम मंदिराबाबत कटिबद्ध आहोत. हे प्रकरण सर्वोच्च न्यायालयात आहे आणि सर्वोच्च न्यायालय आमचं आहे. असं वर्मा म्हणाले.
उत्तर प्रदेशच्या कैसरगंज येथून मुकुट बिहारी वर्मा हे आमदार आहेत. यापूर्वी खुद्द उत्तर प्रदेशचे मुख्यमंत्री योगी आदित्यनाथ यांनी राम मंदिर वेळेवर बांधलं जाईल, नियतीत जे असेल ते कोणीही टाळू शकत नाही, असं विधान त्यांनी केलं होतं. तर येथील उप मुख्यमंत्री केशव प्रसाद मौर्य यांनी राम मंदिराचा मुद्दा जर चर्चेने सुटला नाही तर संसदेत कायदा बनवून राम मदिर उभारण्याच्या दिशेने पावलं टाकू, असं म्हटलं होतं.