रावेर पीपल्स को-ऑपरेटीव्ह बँकेच्या अध्यक्षपदी डॉ.राजेंद्र पाटील
रावेर- रावेर पीपल्स को-ऑपरेटीव्ह बँकेच्या अध्यक्षपदी मोरगाव येथील डॉ.राजेंद्र पाटील यांची मंगळवारी बिनविरोध निवड करण्यात आली. रावेर पीपल्स को-ऑपरेटिव्ह बँकेच्या अध्यक्षपदाच्या निवडणुकीसाठी संचालक मंडळाची विशेष सभा बँकेच्या सभागृहात झाली. त्यात डॉ.राजेंद्र नारायण पाटील यांची बिनविरोध निवड करण्यात आली. निवडणूक निर्णय अधिकारी म्हणून सहाय्यक निबंधक एस.एफ.गायकवाड यांनी काम पाहिले. त्यांना बँकेचे मुख्य कार्यकारी अधिकारी प्रकाश पाटील यांनी सहकार्य केले. सभागृहात सर्व संचालक मंडळ उपस्थित होते. बिनविरोध निवडीची घोषणा होताच बँकेचे उपाध्यक्ष सूर्यभान चौधरी, कृषी उत्पन्न बाजार समितीचे सभापती नीळकंठ चौधरी, माजी आमदार शिरीष चौधरी, बँकेचे संचालक प्रल्हाद महाजन, ज्ञानेश्वर महाजन, शंकर राऊत, सोपान पाटील, पंकज पाटील, शिरीष वाणी, अशोक महाजन, बिसन सपकाळ, जनार्दन पाचपांडे, अॅड.प्रवीण पाचपोहे, विश्वनाथ गायकवाड आदींनी पाटील यांच्यावर शुभेच्छांचा वर्षाव केला.